اسلام آباد۔30جولائی (اے پی پی) وزیراعظم دے کوآرڈینیٹر برائے صحت ڈاکٹر مختاراحمدبھرتھ آکھیا جو وزیر اعظم دی قیادت اچ صحت دے شعبے دی بہتری کیتے کم جاری اے، ہیپاٹائٹس سی دے خاتمے دا پروگرام شروع کر ݙتے، وفاق اتے صوبیاں ہیپاٹائٹس سی دے خاتمے کیتے68ارب دی وݙی رقم نال پروگرام شروع کر ݙتے۔ ڈبلیو ایچ او دی صحت دے شعبہ اچ جاری خدمات کوں قدر نال ݙیکھدن۔ وزارت توں جاری بیان موجب اے ڳالھیں انہاں ڈائریکٹر عالمی ادرہ صحت دی قیادت اچ اعلیٰ سطحی وفد نال ڳالھ مہاڑ کریندیں ہوئیں آکھی جنہاں منگل کوں انہاں نال ملاقات کیتی۔ ایں موقع تے وفاقی سیکرٹری ہیلتھ ندیم محبوب وی موجود ہن۔ ملاقات اچ صحت دے شعبے اتے آپسی دلچسپی دے معاملیاں تے ڳالھ مہاڑ کیتی ڳئی۔ ایں موقع تے ڈاکٹر مختار احمد بھرتھ آکھیا جو ڈبلیو ایچ او دی صحت دے شعبہ اچ جاری خدمات کوں قدر نال ݙیکھدوں۔
