اسلام آباد۔30جولائی (اے پی پی) وزیراعظم محمد شہباز شریف چیئر مین نیشنل ڈیزاسٹر مینجمنٹ اتھارٹی کوں پورے ملک اچ مون سون بارشاں پاروں ٻݨݨ آلی صورتحال نال نبڑݨ کیتے ساری ضروری اقدامات کرݨ دی ہدایت کیتی اے۔ منگل کوں وزیراعظم آفس دے میڈیا ونگ توں جاری بیان موجب وزیراعظم شہباز شریف ٹیلیفون تے این ڈی ایم اے دے چیئرمین لیفٹیننٹ جنرل انعام حیدر ملک کوں بارشاں پاروں تھیوݨ آلے جانی تے مالی ضیان دا تخمینہ لاوݨ، صوبائی ڈیزاسٹر مینجمنٹ ڈیپارٹمنٹس ، آزاد کشمیر اسٹیٹ ڈیزاسٹر مینجمنٹ اتھارٹی اتے گلگت بلتستان ڈیزاسٹر مینجمنٹ اتھارٹی دے رابطے بہتر کرݨ اتے باشاں اتے لینڈ سلائیڈنگ توں متاثرہ سڑکاں اتے سڑکاں کوں بحال کرݨ بارے تیز اقدامات کرݨ دی ہدایت کیتی۔ وزیراعظم ہدایت کیتی جو متاثرہ علاقیاں اچ علاج دی ساری سہولتاں اتے امدادی سامان دوائیں اتے بئی لوڑھ دی شئیں ݙتی ونجن۔ وزیراعظم بارشاں پاروں تھیوݨ آلی اموات تے ݙکھ تے افسوس کیتا اتے جاں بحق تھیوݨ آلیاں دے درجات دی بلندی اتے لواحقین نال تعزیت کیتی۔
