اسلام آباد۔30جولائی (اے پی پی) وفاقی وزیر برائے امور کشمیر تے گلگت بلتستان و سیفران انجینئر امیر مقام کوہاٹ دے علاقے درہ آدم خیل اچ شدید بارشاں پاروں چھل دے ریلے اچ ہکے ٹبر دے 11 بندیاں دی المناک موت تے ݙکھ تے افسوس کیتے۔ منگل کوں آپݨے تعزیتی سنیھے اچ انہاں متاثرہ ٹبراں نال دلی تعزیت کیتی۔ انہاں دعا کیتی جو اللہ تعالیٰ مرحومین کوں جوار رحمت اچ ڄاہ ݙیوے۔ انہاں متعلقہ محکمیاں تے زور ݙتا جو او ایجھے طوفان اتے چھل اچ لوکاں دی حفاظت یقینی ٻݨاون۔
