اسلام آباد۔30جولائی (اے پی پی) وفاقی وزیر پٹرولیم ڈاکٹر مصدق ملک آکھیا جو حکومتی اقدامات پاروں مہانگ 38 فیصد توں ڳھٹ تھی تے 12 فیصد تے آڳئی اے، نفرت دی سیاست ملکی فیدے اچ کائنی۔ پی آئی اے دی نجکاری تھی تے رہسی، پی ڈبلیو ڈی دی بندش دا فیصلہ چھیکڑی اے۔ حکومت ایں توں پچھوں نہ ہٹسی۔ پریس کانفرنس توں خطاب کریندیں ہوئیں ڈاکٹر مصدق ملک آکھیا جو تاریکی اتے غریبی اچ زندگی گزاری ونڄ سڳدی اے ناامیدی اچ نئی، ملک دے ہر بندے تے واجب اے جو او امید دا سنیھا ڳھن تے ودھے۔ کریڈٹ ریٹنگ ایجنسی فچ پاکستان دی درجہ بندی کوں بہتر ٻݨائے۔ براہ راست غیر ملکی سرمایہ کاری اتے ترسیلات زر اچ ودھارے دا رجحان اے۔ براہ راست غیر ملکی سرمایہ کاری اچ 8.1 فیصد ودھارا تھیے۔ بنیادی مسئلہ اے جو کڄھ لوکاں ٹھان ڳھدی اے جو مسئلے حل نی تھیوݨ ݙیوݨے۔ ڳھٹ ترقی آلے علاقیاں تے ودھ توجہ ݙتی ویندی پئی اے۔ ترقیاتی منصوبے غریب لوکاں کیتے زندگی ہن۔ ڈاکٹر مصدق ملک آکھیا جو 86 فیصد گھریلو صارفین 200 یونٹ توں ڳھٹ بجلی استعمال کریندن اتے وزیراعظم پنڄاہ ارب روپے ترقیاتی منصوبیاں توں کݙھ تے انہاں کوں سبسݙی ݙیوݨ دا فیصلہ کیتے۔ انہاں کوں اگلے مہینے توں ریلیف ملݨ شروع تھی ویسی۔ مہانگ تے قابو پاوݨ کیتے کم کریندے پئیوں۔ پی آئی اے دی نجکاری تھی تے رہسی، پی ڈبلیو ڈی دی بندش دا فیصلہ چھیکڑی اے۔ حکومت ایں توں پچھوں نہ ہٹسی۔ ٻہوں ایجھے ادارے اتے وزارتاں ہن جنہاں دی لوڑھ کائنی انہاں دی ری سٹرکچرنگ تے غور کیتا ویندا پئے۔ اڄ اساݙی ترقی دی شرح جیڑھی گزریل دور اچ منفی تھی ڳئی ہئی ہݨ 2.4 فیصد تئیں پڄ ڳئی اے۔ زرعی شعبے اچ پچھلے انوی سال اچ ساریاں توں ودھ ترقی دی شرح 6.3 فیصد ریکارڈ کیتی ڳئی اے۔ اینویں صنعتی شعبے اچ ترقی دی شرح تریجھی سی ماہی اچ 3.8 فیصد رہی اے۔ پچھلے سال ایں عرصے اچ مہانگ دی شرح 38 فیصد تئیں ودھ ڳئی ہئی ہݨ او 12.5 فیصد تے آڳئی اے۔ کھاوݨ پیوݨ دی شئیں دے نرخاں اچ نشابر ڳھٹکی تھئی اے اتے مہانگ دی شرح ݙو فیصد تے آڳئی اے۔ انہاں آکھیا جو نفرت دی سیاست ملکی فیدے اچ کائنی۔ پی آئی اے دی نجکاری تھی تے رہسی، پی ڈبلیو ڈی دی بندش دا فیصلہ چھیکڑی اے۔ تاریکی اتے غریبی اچ زندگی گزاری ونڄ سڳدی اے ناامیدی اچ نئی، ملک دے ہر بندے تے واجب اے جو او امید دا سنیھا ڳھن تے ودھے۔
