اسلام آباد۔8اگست (اے پی پی) گورنر خیبر پختونخوا فیصل کریم کنڈی وفاقی وزیر داخلہ محسن نقوی نال ملاقات کیتی جئیں اچ ݙوہیں شخصیات کرم دے واقعے تے سخت تشویش کیتی۔ مستقبل اچ ایجھے واقعے روکݨ کیتے سانجھی حکمت عملی ٻݨاوݨ تے اتفاق تھیا۔ خمیس کوں گورنر خیبر پختونخوا فیصل کریم کنڈی وزارت داخلہ اچ وزیر داخلہ محسن نقوی نال ملاقات اچ خیبر پختونخوا دی مجموعی صورتحال، امن عامہ اتے کرم دے افسوسناک واقعے تے ڳالھ مہاڑ کیتی۔ وزیر داخلہ محسن نقوی دی خیبر پختونخوا اچ امن کیتے تعاون دا یقین ݙوایا۔ وزیر داخلہ محسن نقوی آکھیا جو خیبر پختونخوا اچ امن و امان حکومت دی پہلی ترجیح اے۔ کرم اچ زمین دے تنازعے تے قیمتی انسانی جاناں دا ضیاع افسوس ناک اے۔ کڄھ لوکاں ݙوگروپاں وچال تصادم کوں غلط رنگ ݙتا جئیں پاروں جھیڑا ودھیا۔ کرم توں تعلق رکھݨ آلے مجلس وحدت المسلمین دے ایم این اے حمید حسین دی قیادت اچ معززین علاقہ نال ملاقات کیتی اتے صورتحال کوں معمول تے ڳھن آوݨ بارے فوری اقدامات کیتے۔ گورنر خیبر پختونخوا فیصل کریم کنڈی امن بارے تعاون تے وزیر داخلہ محسن نقوی دا شکریہ ادا کیتا۔
