اسلام آباد۔8اگست(اے پی پی) چیئرمین سینیٹ سید یوسف رضا گیلانی آکھیے پارلیمانی عمل اچ نینگراں دا رلݨ نہ صرف اہم اقدام بلکہ ملکی مفاد سانڳے ٻہوں ضروری اے ، پاکستان دی 64فیصد آبادی نینگراں دی ہے جیڑھے ملک دا قیمتی اثاثہ ہن ،سینیٹ انٹرنشپ پروگرام نینگر کوں پارلیمانی عمل نال رلاوݨ سانڳے ھک منظم رستہ ݙیوے۔اے ڳالھ انہاں سمر انٹرنشپ پروگرام اختتامی تقریب توں خطاب اچ آکھی۔ چیئرمین سینیٹ آکھیے سینیٹ سمرانٹرنشپ پروگرام دی تکمیل دے موقع تے ایں تقریب توں خطاب کرݨ میں سانڳے اعزاز دی ڳالھ اے ۔سینیٹ ایندیاں کمیٹیاں اتے سیکرٹریٹ اچ چنڳی کاکردگی تے میں تساں ساریں کوں خراج تحسین پیش کرینداں ۔ پارلیمانی عمل اچ نینگراں دا رلݨ نہ صرف اہم اقدام بلکہ ملکی مفاد سانڳے ٻہوں ضروری اے ۔ پاکستان دی 64فیصد آبادی نینگراں دی ہے جیڑھے ملک دا قیمتی اثاثہ ہن۔ نینگراں اچ سماجی و معاشرتی تبدیلی کوں اڳوں ودھاوݨ دی صلاحیت ٻہوں زیادہ اے ۔ نینگر نسل کوں ملک دے جمہوری عمل اچ رلاوݨ نال ادارے تکڑے تھیندن ۔ چیئرمین سینیٹ آکھیے قانون سازی دے ایواناں اچ نینگراں دی شرکت دا رجحان دنیا اچ ودھدا پئے۔ قانون سازی دے عمل اچ نینگراں دا رلݨ ملک سانڳے فیدہ مند ثابت تھیندے تے ایں ڳالھ کوں یقینی بݨیندی اے جو حکومتی پالیسیاں نینگراں دی امنگاں کوں ظاہر کریندن ۔ تاریخی طور تے نینگر سیاسی نظام بݨاوݨ تے سماجی تبدیلی اڳوں ودھاوݨ اچ اہم کردار نبھائے ۔ بانی پاکستان قائداعظم محمد علی جناح نینگر نسل دی صلاحیتاں کوں منیے تے نینگراں تے زور ݙتے جو او خود کوں قومی تعمیر سانڳے تیار کرن ۔ نینگر مستقبل دے معمار ہن ۔نینگراں دیاں مہارتاں اتے صلاحیتاں ملکی مفاد دے استعمال اچ گھن آوݨ ویلھے دی لوڑھ اے ۔ سینیٹ انٹرنشپ پروگرام نینگر کوں پارلیمانی عمل نال رلاوݨ سانڳے ھک منظم رستہ ݙیسی۔ نینگراں انٹرنشپ پروگرام توں قانون سازی دے طریقہ کار، پالیسی سازی، اتے دفتری امور متعلق آڳاہی ڳھدی ۔ نینگراں دا پارلیمنٹ ہاؤس اچ کم دا تجربہ انھاں دے روشن مستقبل دی ضمانت ثابت تھیسی ۔ نینگراں کوں نا صرف پارلیمنٹیرین نال کم کرݨ دا موقع ملیے بلکہ سینیٹ دے اعلیٰ حکام دے تجربے توں وی فیدہ چاتے ۔چیئرمین سینیٹ سید یوسف رضا گیلانی آکھیے اساں سارے تساݙے روشن مستقبل سانڳے دعا کریندوں ۔امید اے تساں سارے آپݨی محنت اتےقابلیت نال ملک دا قیمتی اثاثہ ثابت تھیسن ۔ سید یوسف رضا گیلانی سینیٹ سیکرٹریٹ دیاں کوششاں دی تعریف کیتی تے سینیٹ دے اعلیٰ حکام کوں خراج تحسین پیش کیتے
