وفاقی وزیر احسن اقبال دی پیرس اولمپکس اچ گولڈ میڈل جتݨ تے اتھلیٹ ارشد ندیم کوں مبارخ باد

اسلام آباد۔9اگست  (اے پی پی) وفاقی وزیر برائے  منصوبہ بندی، ترقی ، اصلاحات تے خصوصی اقدامات  احسن اقبال  پیرس  اولمپکس اچ گولڈ میڈل جتݨ تے  اتھلیٹ ارشد ندیم کوں مبارخ ݙتی۔ جمعے کوں وزارت منصوبہ بندی توں جاری بیان موجب احسن اقبال آکھیا جو ارشد ندیم دی محنت اتے عزم پوری دنیا اچ پاکستان دا ناں اُچا کیتے۔ اے تمغہ پوری قوم کیتے وݙی جت اے۔ اساکوں آپݨے نینگراں تے ماݨ اے۔ اے جت صرف ہک کھݙاری دی نئی پوری قوم دی جت اے۔ انہاں آکھیا جو اولمپکس اچ اے جت پاکستان دی تاریخ اچ سنہری لفظاں نال لکھی ویسی۔