اسلام آباد۔13 اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار غیر قانونی نقل مکانی روکݨ، تارکینِ وطن دی سمگلنگ اتے انسانی سمگلنگ دے خلاف پاکستان دیاں کوششاں اڳونہیاں کریندے زور ݙتے جو انہاں کوششاں نال پاکستانی ہنرمند کارکناں اتے پیشہ ور افراد کیتے قانونی نقل مکانی دے ودھ مواقع ملݨے چاہیدن۔ ترجمان دفترِ خارجہ دے جاری بیان دے مطابق نائب وزیراعظم و وزیرِ خارجہ اسحاق ڈار نال …
نائب وزیراعظم و وزیرِ خارجہ سینیٹر محمد اسحاق ڈار نال یورپی کمشنر برائے داخلہ امور و امیگریشن میگنس برونر دی ملاقات
اسلام آباد۔13 اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار غیر قانونی نقل مکانی روکݨ، تارکینِ وطن دی سمگلنگ اتے انسانی سمگلنگ دے خلاف پاکستان دیاں کوششاں اڳونہیاں کریندے زور ݙتے جو انہاں کوششاں نال پاکستانی ہنرمند کارکناں اتے پیشہ ور افراد کیتے قانونی نقل مکانی دے ودھ مواقع ملݨے چاہیدن۔ ترجمان دفترِ خارجہ دے جاری بیان دے مطابق نائب وزیراعظم و وزیرِ خارجہ اسحاق ڈار نال یورپی کمشنر برائے داخلہ امور و امیگریشن میگنس برونر اسلام آباد اچ ملاقات کیتی۔ پاکستان اتے یورپی یونین دے حالیہ روابط دا حوالہ ݙیندے نائب وزیراعظم و وزیرِ خارجہ ݙوطرفہ تعلقات اچ مثبت پیشرفت تے اطمینان کیتا۔ فریقین نقل مکانی اتے نقل و حرکت دے شعبیاں اچ تعاون دھاوݨ تے الایا۔ یورپی کمشنر میگنس برونر غیر قانونی نقل مکانی روکݨ کیتے پاکستان دی تعریف کریندے قانونی نقل مکانی دے رستیاں کوں وسعت ݙیوݨ دی گنجائش اڳونہی کیتی۔ نائب وزیراعظم و وزیرِ خارجہ یورپی یونین نال شراکت داری ٻئی تکڑی ٻݨاوݨ کیتے پاکستان دا عزم دوہرایا۔
