پوری قوم دہشتگردی دے خلاف جنگ اچ سیکیورٹی فورسز دے رلے کھڑی اے ، سردار ایاز صادق

اسلام آباد۔10اگست(اے پی پی) اسپیکر قومی سردار ایاز صادق ضلع خیبر وادی تیراہ اچ سیکیورٹی فورسز اتے دہشتگرداں وچال فائرنگ دے تبادلے اچ ترائے نینگراں دیاں قیمتی جاناں دے ضیان تے ݙکھ تے افسوس کریندے آکھیے جو پوری قوم دہشت گردی دے خلاف جنگ اچ سیکورٹی فورسز دے رلے کھڑی اے ، دہشتگرد امن اتے انسانیت دے دشمن ہن۔ قومی اسمبلی سیکرٹریٹ ڈائریکٹوریٹ جنرل آف میڈیا توں جاری بیان موجب اسپیکر  قومی اسمبلی شہید سیکیورٹی اہلکار حوالدار انعام گل، سپاہی محمد عمران اتے سپاہی الطاف خان کوں خراج عقیدت پیش کیتا تے شہداء دے گھر آلیں نال تعزیتی تے ہمدردی کیتی اے۔ انھاں آکھیے شہید نینگراں دا خون ضائع نہ ویسی ،  پوری قوم دہشتگردی دے خلاف جنگ اچ سیکیورٹی فورسز دےرلے کھڑی اے ، شرپسند عناصر دہشتگردی مکاوݨ سانڳے قوم دے غیرمتزلزل عزم کوں جھکا نی کر سڳدےانھاں دعا منگی کوں اللہ انہاں دے درجات اُچے کرے تے لواحقین کوں صبر ݙیوے ۔ڈپٹی اسپیکر سید میر غلام مصطفیٰ شاہ  وی وادی تیرہ اچ دہشتگردوں دے خلاف فائرنگ دے تبادلے اچ سیکیورٹی اہلکاراں دے جانی ضیان تے ݙکھ تے افسوس کیتے اتے دہشتگرداں کوں جہنم واصل کرݨ تے خراج عقیدت وی پیش کیتے ۔ڈپٹی اسپیکر اللہ تعالیٰ توں شہداء دے اُچے درجات تے لواحقین سانڳے صبر دی دعا منگی