پورے ملک اچ 78 واں یوم آزادی قومی جوش تے جذبے نال منایا ویندا پئے

اسلام آباد۔14اگست (اے پی پی) اڄ پورے ملک اچ 78 واں یوم آزادی قومی جوش تے جذبے نال منایا ویندا پئے۔ کشمیر میڈیا سروس موجب ݙینھ دا آغاز فجر دی نماز اچ ملکی ترقی اتے یکجہتی دی خصوصی دعائیں نال تھیا۔ وفاقی اتے صوبائی دارالحکومتاں اچ توپاں دی سلامتی ݙتی ڳئی۔ وفاقی دارالحکومت اسلام آباد اچ 31 جڈانجو صوبائی دارالحکومتاں اچ21توپاں دی سلامی ݙتی ڳئی۔ جشن آزادی دے موقع تے شاعر مشرق علامہ اقبال دے مزار اتے مزار قائد کراچی تے گارڈز دی تبدیلی دی پروقار تقاریب تھئی۔ کراچی، لاہور، اسلام آباد، پشاور ، کوئٹہ اتے ملتان سودھے ملک دے کونے کونے اچ چراغاں اتے آتشبازی دے مظاہرے کیتے ڳئے۔ یوم آزادی دی مناسبت نال پاکستان ملٹری اکیڈمی کاکول اچ آزادی پریڈ تھئی جتھاں کیڈٹس دا مارچ پاسٹ تھیا۔