لاہور،وزیراعلیٰ پنجاب مریم نوازشریف دی حضوری باغ آمد، مزار اقبال تے حاضری ݙتی، پھلاں دی چادر چڑھائی اتے فاتحہ خوانی کیتی

لاہور۔14اگست  (اے پی پی) وزیراعلیٰ پنجاب مریم نوازشریف دی حضوری باغ آمد، مزار اقبال تے حاضری ݙتی، پھلاں دی چادر چڑھائی اتے فاتحہ خوانی کیتی۔ ایں موقع تے انہاں ملک دی سالمیت، ترقی اتے خوشحالی کیتے دعا کیتی۔ مریم نواز شریف شاعر مشرق علامہ محمداقبال کوں شاندار الفاظ اچ خراج عقیدت پیش کیتا۔وزیراعلیٰ شاہی قلعہ دے عالمگیری دروازے تے پرچم کشائی کیتی جئیں دے بعد قومی ترانہ وجایا ڳئیا۔  بوائے سکائوٹس دے دستے  وزیر اعلیٰ کوں سلامی پیش کیتی۔ ایں موقع تے سکول بینڈز خوبصورت دھناں پیش کیتی۔ سندھی ، بلوچی، کالاش، کشمیری ، پنجابی، چولستانی اتے ٻئے علاقائی لباس اچ طالبات تاڑیاں وڄا تے وزیراعلیٰ دا استقبال کیتا۔ تقریب اچ قائد اعظم دی تقریر دے اقتباس وی پیش کیتے ڳئے۔ تقریب اچ مختلف ملکاں دے سفرا، مختلف شعبہ ہائے زندگی دی نشابر شخصیات،سنیئر صوبائی وزیر مریم اورنگزیب ،وزیر اطلاعات عظمیٰ بخاری ،  وزرا مجتبٰی شجاع الرحمٰن ، رانا سکندر حیات، ذیشان سکندر ، سہیل شوکت بٹ، بلال یاسین ، شیر علی گورچانی ،معاون خصوصی ذیشان ملک، ایم پی اے ثانیہ عاشق ، چیف سیکرٹری ، آئی جی پنجاب ،پرنسپل سیکرٹری ،سیکرٹریز، کمشنر ، ڈپٹی کمشنر اتے ٻئے انتظامی افسر وی ایں موقع تے موجود ہن۔