اساکوں کئی چیلنجز ہن جیڑھے اساݙے اجتماعی عزم دا تقاضا کریندن، غریبی مُکاوݨ، ترقی اتے سماجی تے اقتصادی مساوات کوں یقینی ٻݨاوݨ اساݙا فرض، قومی یکجہتی اساݙی طاقت دا منڈھ اے، چیئرمین سینیٹ سید یوسف رضا گیلانی

اسلام آباد۔14اگست  (اے پی پی) چیئرمین سینیٹ سید یوسف رضا گیلانی آکھیا جو اساکوں کئی چیلنجز ہن جیڑھے اساݙے اجتماعی عزم دا تقاضا کریندن، غریبی مُکاوݨ، ترقی اتے سماجی تے اقتصادی مساوات کوں یقینی ٻݨاوݨ اساݙا فرض، قومی یکجہتی اساݙی طاقت دا منڈھ اے۔ سینیٹ سیکرٹریٹ  دے میڈیا ڈائریکٹوریٹ ولوں یوم آزادی (14 اگست ) بارے جاری بیان اچ چیئرمین سینیٹ سارے پاکستانیاں کوں 78ویں یوم آزادی تے دل دی گہرائیاں توں مبارخ ݙیندیں ہوئیں آکھیا جو اڄ دا ݙینھ اتحاد، ایمان اتے نظم دے ضبط دے رہنما اصولاں کیتے اساں ساریاں دے عزم دی تجدید دا موقع اے۔ چیئرمین سینیٹ آکھیا جو غریبی دا خاتمہ، ہکو سویں ترقی اتے اقتصادی مساوات کوں یقینی ٻݨاوݨ اساݙا فرض اے۔ اساکوں یقینی ٻݨاوݨا اے جو معاشی ترقی دے فیدے ہکو سویں ونݙیے ونڄن۔ انہاں آکھیا جو آؤ رَل تے آپݨی قوم دی بہتری کیتے کم کرݨ دا عہد کروں تانجو آوݨ آلی نسلاں امن اتے ہم آہنگی نال رہ سڳن۔ پاکستان زندہ باد۔