وزیراعظم دی ضلع کرم اچ دہشت گرداں دے خلاف کامیاب کارروائی تے افواج پاکستان دی تعریف

اسلام آباد۔15اگست(اے پی پی)وزیراعظم محمد شہباز شریف ضلع کرم اچ دہشت گرداں دے خلاف کامیاب کارروائی تے افواج پاکستان دی تعریف کریندے آکھیے جو افواج پاکستان وطن عزیز دی مٹی کوں فتنہ الخوارج توں پاک کرݨ کیتے ݙینھ رات ردھیاں ہوئن۔ ہک بیان اچ وزیراعظم آکھیے جو پاکستان دی سالمیت کیتے اپݨیان جاناں دی پرواہ کیتے بغیر فرائض اچ ردھی ہوئی پاک فوج دے بہادر افسران اتے جواناں کوں میں سودھا پوری قوم خراج تحسین پیش کریندی اے، دہشتگردی دی لعنت توں وطن عزیز دی مٹی کوں پاک کرݨ دے عزم اچ پوری قوم پاک فوج نال مونݙھا رلا تے کھڑی اے۔