وزیراعظم دا میاں محمد نواز شریف دی ہدایت تے وزیراعلی پنجاب ولوں بجلی صارفین کیتے تاریخی ریلیف پیکیج دا خیرمقدم

اسلام آباد۔16اگست(اے پی پی)وزیراعظم محمد شہباز شریف میاں محمد نواز شریف دی اڳواݨی اچ وزیراعلی پنجاب مریم نواز شریف ولوں بجلی صارفین کیتے تاریخی ریلیف پیکیج دا خیرمقدم کریندے آکھیے جو 500 یونٹ تئیں بجلی استعمال کرݨ آلے صارفین کیتے فی یونٹ 14 روپے دا ریلیف بہترین اقدام اے جو لوکاں کوں سوکھ ݙیوݨ اتے مہانڳ ڳھٹاوݨ حکومت دی اولین ترجیح اے۔ وزیراعظم آکھیے جو میاں محمد نواز شریف دی ہدایت تے قلمدان سنٻھلیندے ہی عوامی ریلیف کوں حکومت دی اڄوکی ترجیح رکھیے، اساں ہݨ ہی وفاقی حکومت دے ترقیاتی بجٹ توں 50 ارب کٹ تے بجلی دے ملھ اچ سوکھ ݙتے جیندے توں 200 یونٹ آلے صارفین فیدہ چیندے پن، بجلی چوری روکݨ اتے بجلی دے شعبے اچ اصلاحات تھیندان پن۔ وزیراعظم آکھیا جو معاشی استحکام دے بعد ملک درست سمت دو ویندا پئے، بجلی دا مل ڳھٹاوݨ دے دیرپا حل کیتے پورا زور لیندے پئے ہیں۔