ملک اچ سازش دا سرغنہ عمران خان اتے سہولت کار فیض حمید ہن، کہیں کوں اجازت نی ݙتی ونڄ سڳدی جو او ملک اچ تباہی کھنڈاوے ، وفاقی وزیر اطلاعات عطاءاللہ تارڑ دی پریس کانفرنس

اسلام آباد۔16اگست(اے پی پی) وفاقی وزیر اطلاعات و نشریات عطاء اللہ تارڑ آکھیے نواز شریف دی قیادت اچ مسلم لیگ ن نے ہمیشہ عوام دی خدمت کیتی، محمد نواز شریف ملک اچ ترقیاتی منصوبے شروع کیتے ، جنوبی ایشیاء دی پہلی موٹر وے نواز شریف بݨوائی ۔اے ڳالھ انہاں پریس کانفرنس توں خطاب کریندے آکھی اے ۔ انہاں آکھیے نواز شریف ملک اچ موٹر ویز دا ڄال وچھایا، محمد نواز شریف سرمایہ کاراں کوں سہولتاں ݙتیاں ، پنجاب حکومت بجلی صارفین کوں سہولتاں ݙے تے چنڳاں قدم چاتے ۔ وزیراعلیٰ پنجاب مریم نواز پنجاب اچ صارفین کوں بجلی دی مد اچ وݙا ریلیف ݙتے ۔انھاں آکھیے جو حکومت پٹرولیم مصنوعات دیاں قیمتاں گھٹائن ، وفاقی حکومت بجلی صارفین سانڳے 50 ارب روپے رکھئن ، پنجاب حکومت عوام کوں ریلیف ݙیوݨ سانڳے ایجنڈے تے کم کریندی پئی اے ۔وفاقی وزیر اطلاعات ونشریات آکھیے ھک سیاسی لیڈر ملک اچ انتشار اتے ونڈ دی سیاست کوں پروان چڑھایا ، انھاں ملک اچ بدامنی کھنڈاوݨ تے ملکی سالمیت دے خلاف سازشاں کیتیاں ، جنرل ریٹائرڈ فیض حمید انھاں دی سازش اچ رلے ہن ،دہشتگرداں کوں واپس کون گھن تے آئے کیا او وی ڳٹھ جوڑ کائناں ہئی ۔ انھاں آکھیے ملک اچ سازش دے سرغنہ عمران خان اتے سہولت کار فیض حمید ہن ۔ انھاں آکھیے طالبان کوں واپس گھن آتے وسایا ڳئے اے وی ڳٹھ جوڑ اے ، بانی پی ٹی آئی ملک دے امن کوں خراب کیتا ،انتشار کھنڈایا ، بانی پی ٹی آئی دا رابطہ بحال ہئی ،گٹھ جوڑ دے نتیجے اچ بھن تروڑ دی سیاست کیتی ڳئی اساں ادارے دے ایں قدم دی تعریف کریندوں جو ملک دے خلاف سازشاں کریسی ایندا ایہو انجام تھیسی ۔عطا تارڑ آکھیے 200یونٹ آلے صارفین کوں وزیراعظم پہلے ہی 50ارب روپے دی سبسڈی ݙے چکئن،نوازشریف ٹھیک فرمائے مہانگ ایں دور اچ تھئی جݙاں بزدارگوگی سیٹ اپ ہئی،بانی پی ٹی آئی تے انھاں دے حواریاں قاضی فائز عیسیٰ دے خلاف ریفرنس دائر کیتا،کھوسہ صاحب دی ڳالھ متعصبانہ سوچ کوں ظاہر کریندی اے ۔وفاقی وزیر اطلاعات ونشریات دا آکھݨ ہئی تساں پتہ ہووݨا چاہیدے جو تعصب کیجھا ہوندے ، مہانگ دے ایں دور اچ تھئی جݙاں 190ملین پاؤنڈ دا کیس تھیا ،سازش دے سرغنہ بانی پی ٹی آئی اتے سہولت کار فیض حمید ہن، ثاقب نثار ہوون یا کوئی وی ہووے معاملہ اڳوں ودھسی ، پاک فوج اچ خود احتسابی دا اپݨا طریقہ کار اے ، فوج دے ادارے خود احتسابی دا عمل شروع کیتے ، اساں فوج دے خود احتسابی عمل کوں چنڳاں سمجھدوں ، باقی اداریں کوں وی خود احتسابی دا عمل شروع کرݨا چاہیدے۔عطاتارڑ مزید آکھیے وزیراعلیٰ خیبرپختونخوا وی ارشد ندیم دی حوصلہ افزائی سانڳے کوئی اعلان کرن ، خیبرپختونخوا اچ ساݙی شراکت داری نال سی ٹی ڈی بݨدی پئی اے ، خیبرپختونخوا حکومت کھیݙاں دے شعبے اچ آپݨا کردار نبھاوے ، ارشد ندیم ساݙا قومی ماݨ اے، جیڑھا پروٹوکول ارشد ندیم کوں ݙتا ڳئے او وی وی آئی پیز کوں وی نی ݙتا ویندا