چیئرمین سینیٹ دی بیلسٹک میزائل شاہین II دی کا میاب لانچنگ تے پاک فوج، سائنسداناں اتے انجینئرز کوں مبارخ

اسلام آباد۔20اگست  (اے پی پی) چیئرمین سینیٹ سید یوسف رضا گیلانی بیلسٹک میزائل شاہین II دی کا میاب لانچنگ تے پاک فوج، سائنسداناں اتے انجینئرز کوں مبارخ ݙیندیں ہوئیں آکھیا جو ایں کامیاب تجربے نال ملک دی دفاعی صلاحیت ٻئی مضبوط تھیسی۔ منگل کوں سینیٹ سیکرٹریٹ توں جاری بیان موجب چیئرمین سینیٹ آکھیا جو پوری قوم کوں باصلاحیت سائنسداناں اتے انجینئرز تے فخر اے۔ شاہین II میزائل دا کامیاب تجربہ پاک فوج، سائنسداناں اتے انجینئرز دی محنت اتے لگن پاروں اے۔ انہاں آکھیا جو دفاعی ادارے، باصلاحیت سائنسداناں اتے انجینئرز دی ملکی دفاعی صلاحیت کوں ودھاوݨ کیتے خدمات تعریف دے قابل ہن۔