اسلام آباد۔20اگست(اے پی پی)وزیراعظم محمد شہباز شریف متعلقہ حکام کوں میٹا دے پاکستان اچ آپریشنز بارے سارے مسلیاں کوں حل کرݨ دی ہدایت کریندے آکھیے جو انفارمیشن ٹیکنالوجی اتے مصنوعی ذہانت بارے میٹا دی مہارت توں فیدہ چاتا ویسی۔ اے ڳالھ انہاں اسلام آباد اچ میٹا دے پنڄ رکنی وفد نال ملݨ ویلھے آکھی جیندی اڳواݨی میٹا دے نائب صدر برائے ایشیاء پیسیفک سائمن ملنر کریندے پئے ہن۔ وزیراعظم وفد …
انفارمیشن ٹیکنالوجی، مصنوعی ذہانت بارے میٹا دی مہارت توں فیدہ چاتا ویسی، وزیراعظم دی میٹا دے وفد نال ملاقات
اسلام آباد۔20اگست(اے پی پی)وزیراعظم محمد شہباز شریف متعلقہ حکام کوں میٹا دے پاکستان اچ آپریشنز بارے سارے مسلیاں کوں حل کرݨ دی ہدایت کریندے آکھیے جو انفارمیشن ٹیکنالوجی اتے مصنوعی ذہانت بارے میٹا دی مہارت توں فیدہ چاتا ویسی۔ اے ڳالھ انہاں اسلام آباد اچ میٹا دے پنڄ رکنی وفد نال ملݨ ویلھے آکھی جیندی اڳواݨی میٹا دے نائب صدر برائے ایشیاء پیسیفک سائمن ملنر کریندے پئے ہن۔ وزیراعظم وفد نال الیندے آکھیا جو پاکستان اچ انفارمیشن ٹیکنالوجی اتے ڈیجیٹل میڈیا دے شعبیاں اچ ودھ استعداد موجود اے، ملکی تاریخ اچ پہلی واری انفارمیشن ٹیکنالوجی دے ودھارے کیتے ریکارڈ بجٹ رکھیا ڳئے، انفارمیشن ٹیکنالوجی، مصنوعی ذہانت بارے میٹا دی مہارت توں فیدہ چاتا ویسی، متعلقہ حکام میٹا دے پاکستان اچ آپریشنز بارے سارے مسلے حل کرم دے فوری اقدامات کرن۔ وفد وزیراعظم کوں پاکستان اتے ایشیاء پیسیفک اچ اپݨی سروسز دا ݙسایا اتے آکھیا جو میٹا مصنوعی ذہانت سانڳے ریجن اچ پہلا مقابلہ پاکستان اچ کروائے۔ ملاقات اچ فریقین پاکستان اچ ڈیجیٹل میڈیا اتے مصنوعی ذہانت دے شعبیاں دی ترقی و ترویج سانڳے رل تے کم کرݨ دا عزم کیتے۔ اجلاس اچ وزیر مملکت برائے انفارمیشن ٹیکنالوجی و ٹیلی کمیونیکیشن شزا فاطمہ، ڈپٹی چیئرمین پلاننگ کمیشن جہانزیب خان، تانیہ ایدروس اتے متعلقہ اعلیٰ سرکاری افسران شرکت کیتی۔
