اسلام آباد۔21اگست (اے پی پی) وزیراعظم دے کوآرڈینیٹر برائے صحت ڈاکٹر مختار احمد بھرتھ آکھیا جو ایم پاکس توں بچاؤ کیتے سارے ضروری اقدامات کریندے پئیوں۔ سارے ائیر پورٹس اتے زمینی داخلی راہ تے ہیلتھ ورکرز اتے نان ہیلتھ ورکرز دی تربیت شروع کر ݙتی ڳئی اے۔ بدھ کوں وزارت صحت توں جاری بیان موجب اے ڳالھیں انہاں آپݨی صدارت اچ ایم پاکس دےجائزہ اجلاس اچ ڳالھ مہاڑ کریندیں ہوئیں …
ایم پاکس توں بچاؤ کیتے سارے ضروری اقدامات کریندے پئیوں، ڈاکٹر مختار احمد بھرتھ
اسلام آباد۔21اگست (اے پی پی) وزیراعظم دے کوآرڈینیٹر برائے صحت ڈاکٹر مختار احمد بھرتھ آکھیا جو ایم پاکس توں بچاؤ کیتے سارے ضروری اقدامات کریندے پئیوں۔ سارے ائیر پورٹس اتے زمینی داخلی راہ تے ہیلتھ ورکرز اتے نان ہیلتھ ورکرز دی تربیت شروع کر ݙتی ڳئی اے۔ بدھ کوں وزارت صحت توں جاری بیان موجب اے ڳالھیں انہاں آپݨی صدارت اچ ایم پاکس دےجائزہ اجلاس اچ ڳالھ مہاڑ کریندیں ہوئیں آکھی۔ اجلاس اچ ڈی جی ہیلتھ قومی ادارہ صحت دے ماہرین وی شریک تھیے۔ اجلاس اچ بارڈر ہیلتھ سروسز ولوں سارے ایئرپورٹس اتے انٹری پوائنٹس تے منکی پاکس یا ایم پاکس وائرس توں بچاؤ کیتے کماں بارے بریفنگ ݙتی ڳئی۔ ایں موقع تے ڈاکٹر مختاراحمدبھرتھ آکھیا جو ایم پاکس توں بچاؤ کیتے ساری ضروری اقدامات کیتے ونڄن۔ انہاں آکھیا جو ڈبلیو ایچ او دے ایس او پیز تے عمل کریندے پئیوں اتے ہر ݙینھ نگرانی کیتی ویندی پئی اے۔
