وفاقی وزیرداخلہ دا ایران اچ بس حادثے اچ 35 پاکستانی زائرین دے جاں بحق تھیوݨ تے افسوس

اسلام آباد۔21اگست  (اے پی پی) وفاقی وزیرداخلہ محسن نقوی ایران اچ بس حادثے اچ 35 پاکستانی زائرین دے جاں بحق تھیوݨ تے افسوس  کیتے۔ بدھ کوں وزارت داخلہ توں جاری بیان موجب وفاقی وزیر داخلہ جاں بحق تھیوݨ آلے زائرین دے لواحقین نال ہمدردی اتے تعزیت کیتی اتے زخمیاں دی جلدی صحت یابی دی دعا کیتی۔ انہاں جاں بحق تھیوݨ آلیاں دے لواحقین کیتے صبر دی دعا کیتی۔