بانی چیئرمین پی ٹی آئی ولوں لیفٹیننٹ جنرل (ر) فیض حمید دے اوپن ٹرائل دا مطالبہ فوج دے معاملیاں دا مداخلت اے، عطاء اللہ تارڑ

اسلام آباد۔21اگست  (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو بانی چیئرمین پی ٹی آئی ولوں لیفٹیننٹ جنرل (ر) فیض حمید دے اوپن ٹرائل دا مطالبہ فوج دے معاملیاں دا مداخلت اے۔ فیض حمید کیس کوں فوج دا انٹرنل معاملہ نہ قرار ݙے تے انہاں ثابت کیتے جو فیض حمید واقعی بانی چیئرمین پی ٹی آئی دا اثاثہ ہن۔ بدھ کوں آپݨے بیان اچ وفاقی وزیر اطلاعات آکھیا جو بانی چیئرمین پی ٹی آئی دی مسلسل کوشش اے جو او آپݨے بیانات نال فیض حمید کیس کوں متنازعہ ٻݨاون۔ انہاں آکھیا جو اڄ فیض حمید دے دفاع اچ بیان ݙیوݨ آلا بانی چیئرمین پی ٹی آئی 190 ملین پائونڈ دے کیس دا جواب ݙیوے۔ وفاقی وزیرآکھیا جو بانی چیئرمین پی ٹی آئی دے ایجھے بیانات توں ثابت تھیندے جو او پریشانی اتے تذبب دا شکار ہن۔ انہاں فیض حمید کیس کوں فوج دا انٹرنل معاملہ نہ آکھ تے ثابت کیتے جو فیض حمید واقعی بانی چیئرمین پی ٹی آئی دا اثاثہ ہن۔کݙاہیں زیرو اتے کݙاہٰں زیرو آکھدن جئیں توں لڳدے جو او ذہنی طور پریشان ہن۔ انہاں آکھیا جو فیض حمید کیس اچ وی ایہو پتہ لڳدے جو بانی چیئرمین پی ٹی آئی لوکاں کوں استعمال کر تے سٹݨ اچ کوئی ثانی نی رکھیندے۔  بانی چیئرمین پی ٹی آئی کوں محسن کشی اچ مہارت حاصل اے۔