اسلام آباد۔21اگست(اے پی پی)نائب وزیراعظم اتے وزیر خارجہ سینیٹر محمد اسحاق ڈار آکھیے جو اپوسٹائل ویب ایپلی کیشن دے اجراء اچ رکاوٹاں دور کر ڳھدین جیندے نال دستاویزات دی تصدیق سوکھی تھیسی۔ اے ڳالھ انہاں دفتر خارجہ اسلام آباد اچ اپوسٹائل ویب ایپلی کیشن ے اجراء دی افتتاحی تقریب نال خطاب اچ آکھی۔ انہاں آکھیا جو اپوسٹائل ویب ایپلی کیشن نال لوکاں کوں لمبیاں قطاران اچ نا لڳݨا پوسی۔ ایں …
اپوسٹائل ویب ایپلی کیشن دے اجراء اچ رکاوٹاں دور کر ڳھدن، نائب وزیراعظم سینیٹر محمد اسحاق ڈار دا اپوسٹائل ویب ایپلی کیشن دے اجراء دی افتتاحی تقریب نال خطاب
اسلام آباد۔21اگست(اے پی پی)نائب وزیراعظم اتے وزیر خارجہ سینیٹر محمد اسحاق ڈار آکھیے جو اپوسٹائل ویب ایپلی کیشن دے اجراء اچ رکاوٹاں دور کر ڳھدین جیندے نال دستاویزات دی تصدیق سوکھی تھیسی۔ اے ڳالھ انہاں دفتر خارجہ اسلام آباد اچ اپوسٹائل ویب ایپلی کیشن ے اجراء دی افتتاحی تقریب نال خطاب اچ آکھی۔ انہاں آکھیا جو اپوسٹائل ویب ایپلی کیشن نال لوکاں کوں لمبیاں قطاران اچ نا لڳݨا پوسی۔ ایں سانڳے اپوسٹائل کنونشن دی باقاعدہ افتتاحی تقریب وزارت خارجہ اسلام آباد اچ تھئی جیندی صدارت نائب وزیراعظم کیتی۔ تقریب اچ وزارت انفارمیشن ٹیکنالوجی اتے نیشنل انفارمیشن ٹیکنالوجی بورڈ دے سینئر حکام شرکت کیتی۔ باقاعدہ افتتاحی تقریب نال بین الاقوامی استعمال کیتے عوامی دستاویز دی تصدیق سوکھی کر ݙتی ڳئی اے۔ نائب وزیر اعظم عوامی سہولت دی حکومت دی ترجیح اتے دستاویزات دی تصدیق اتے قانونی حیثیت سوکھی کرݨ تے وزارت خارجہ دی تعریف کیتی۔ اپوسٹائل سرٹیفیکیشن دے باضابطہ آغاز نال وزارت خارجہ اتے کراچی، لاہور، پشاور، کوئٹہ اتے گجرات اچ ایندے رابطہ دفاتر کوں اپوسٹائل تصدیق کیتے دستاویزات پہلے ہی اعلان کیتے 5 کورئیر کمپنیاں ولوں ملسن۔ وزارت خارجہ ٻدھ توں “آن لائن اپوسٹائل ایپلیکیشن سسٹم” متعارف کرائے۔ ایں نظام دے تحت کوئی وی ڄݨا اپݨا پروفائل ٻݨا تے ، حبیب بینک لمیٹڈ دی “آن لائن ادائیگی ایپ” توں براہ راست دستاویزات جمع کر تے اپوسٹائل کیتے آن لائن درخواست ݙے سڳسی۔
