اسلام آباد۔22اگست(اے پی پی)وزیراعظم محمد شہباز شریف آکھیے جو زرمبادلہ قانونی طریقے نال ملک اچ ڳھن آوݨ کیتے حکومت ودھا قدامات کریندی پئی اے۔ اے ڳالھ انہاں اسلام آباد اچ عرب مانیٹری فنڈ دے چیئر پرسن ڈاکٹر فہد الترکی نال ملݨ ویلھے آکھی۔ وزیراعظم پاکستان اتے عرب ملکاں وچال تکڑے ٻھراواں آلے تاریخی تعلقات دی اہمیت ودھیندے آکھیے جو ملک اچ ای-کامرس دے شعبے اتے معیشت دی ڈیجیٹالائزیشن ساݙی ترجیح …
وزیراعظم شہباز شریف نال چیئرمین عرب مانیٹری فنڈ ڈاکٹر فہد التر دی ملاقات
اسلام آباد۔22اگست(اے پی پی)وزیراعظم محمد شہباز شریف آکھیے جو زرمبادلہ قانونی طریقے نال ملک اچ ڳھن آوݨ کیتے حکومت ودھا قدامات کریندی پئی اے۔ اے ڳالھ انہاں اسلام آباد اچ عرب مانیٹری فنڈ دے چیئر پرسن ڈاکٹر فہد الترکی نال ملݨ ویلھے آکھی۔ وزیراعظم پاکستان اتے عرب ملکاں وچال تکڑے ٻھراواں آلے تاریخی تعلقات دی اہمیت ودھیندے آکھیے جو ملک اچ ای-کامرس دے شعبے اتے معیشت دی ڈیجیٹالائزیشن ساݙی ترجیح اے۔ انہاں آکھیا جو خلیجی ملکاں اچ پاکستانیاں دی وݙی تعداد وسدی اے ڄیڑھے ہک وݙا زرمبادلہ پاکستان ٻھڄیندن، بونا اتے راست دے ڳآنݙھے نال پاکستان اتے مشرق وسطیٰ وچال ڈیجیٹل رابطہ ہووݨ چنڳی ڳالھ اے، بونا-راست کنیکٹیویٹی پراجیکٹ ملک اچ ڈیجیٹل لین دین کوں ٻیا موثر ٻݨیسی اتے ترسیلات زر دی ترسیل ودھاوݨ سودھا ڈیجیٹل گورننس نظام دی بہتری اچ ہتھ ونݙیسی۔ وزیراعظم آکھیا جو بونا – راست نال ایں زرمبادلہ کوں سوکھے اتے سستے طریقے نال پاکستان ٻھیڄیا ونڄ سڳسی۔ ڈاکٹر فہد آکھیا جو پاکستان عرب دنیا توں ٻاھرو عرب مانیٹری فنڈ دے منصوبے بونا نال ڄڑݨ آلا پہلا ملک اے، بونا-راست نال نیڑے دیاں معیشتاں باہمی تعاون اتے اعتماد نال تریقی کریسن۔
