اسلام آباد۔12جنوری (اے پی پی) چیئرمین سینیٹ سید یوسف رضا گیلانی آکھیا جو مسلم اتے عالمی برادری تعلیم نال ٻالڑیاں کوں بااختیار ٻݨاوݨ کیتے عزم کرے،مسلم کمیونٹیز اچ ٻالاں دی تعلیم دے موضوع تے اسلام آباد اچ تھیوݨ آلی بین الاقوامی کانفرنس توں آݙت وار کوں خطاب کریندیں ہوئیں چیئرمین سینیٹ سید یوسف رضا گیلانی آکھیا جو تعلیم کوئی استحقاق نئی بلکہ حق اے۔ مسلم اتے عالمی برادری تعلیم نال …
مسلم اتے عالمی برادری تعلیم نال ٻالڑیاں کوں بااختیار ٻݨاوݨ کیتے عزم کرے، سید یوسف رضا گیلانی
اسلام آباد۔12جنوری (اے پی پی) چیئرمین سینیٹ سید یوسف رضا گیلانی آکھیا جو مسلم اتے عالمی برادری تعلیم نال ٻالڑیاں کوں بااختیار ٻݨاوݨ کیتے عزم کرے،مسلم کمیونٹیز اچ ٻالاں دی تعلیم دے موضوع تے اسلام آباد اچ تھیوݨ آلی بین الاقوامی کانفرنس توں آݙت وار کوں خطاب کریندیں ہوئیں چیئرمین سینیٹ سید یوسف رضا گیلانی آکھیا جو تعلیم کوئی استحقاق نئی بلکہ حق اے۔ مسلم اتے عالمی برادری تعلیم نال ٻالڑیاں کوں بااختیار ٻݨاوݨ کیتے عزم کرے۔ پڑھی لکھی تریمتیں پائیدار اتے خوشحال معاشرے دی بنیاد اے۔ سید یوسف رضا گیلانی آکھیا جواسلام آباد اعلامیہ دا مقصد ہک آپسی تعاون دے فریم ورک دے تحت ٻالڑیاں دی تعلیم اچ اہم چیلنجز نال نبڑݨ اے۔ چیئرمین سینیٹ سید یوسف رضا گیلانی آکھیا جو بطور وزیر اعظم میکوں ملالہ یوسفزئی کوں انہاں دی بہادری دے اعتراف اچ 2011 اچ نیشنل یوتھ پیس پرائز ݙیوݨ دا اعزاز حاصل اے۔ چیئرمین سینیٹ دی حیثیت نال میں ہر ٻال خصوصی طور ٻالڑیاں کوں تعلیم دا اختیار ݙیوݨ کیتے پرعزم آں۔
