پاکستان اتے بحرین دے پاک-بحرین مشترکہ وزارتی کمیشن دے تریجھے اجلاس دے معاہدے تے دستخط، تجارت، سرمایہ کاری، زراعت، فوڈ سکیورٹی، تیل، گیس اتے معدنیات اچ تعاون تے اتفاق

اسلام آباد۔8 اکتوبر (اے پی پی)نائب وزیرِ اعظم و وزیرِ خارجہ اسحاق ڈار تے بحرینی وزیرِ خارجہ ڈاکٹر عبداللطیف بن راشد الزیانی پاک بحرین مشترکہ وزارتی کمیشن دے تریجھے اجلاس دے معاہدے تے دستخط کیتن جیندے اچ تجارت، سرمایہ کاری، زراعت، فوڈ سکیورٹی، تیل، گیس، معدنیات، بحری امور، انفارمیشن ٹیکنالوجی، صحت، تعلیم تے افرادی قوت اچ باہمی تعاون ودھاوݨ تے اتفاق کیتا ڳیا۔ اجلاس اچ ݙوطرفہ تجارت اتے سرمایہ کاری کیتے حکومتی سطح تے مشترکہ ورکنگ گروپ قائم کرݨ دا فیصلہ وی کیتا ڳیا۔ نائب وزیرِ اعظم و وزیرِ خارجہ سینیٹر محمد اسحاق ڈار تے بحرین دے وزیرِ خارجہ ڈاکٹر عبداللطیف بن راشد الزیانی پاکستان-بحرین مشترکہ وزارتی کمیشن دے تریجھے اجلاس دی روداد تے مشتمل پروٹوکول تے دستخط کیتے جیندے اچ تجارت و سرمایہ کاری، زراعت تے غذائی تحفظ، تیل، گیس تے معدنیات، بحری امور، انفارمیشن ٹیکنالوجی تے ٹیلی کمیونیکیشن، صحت، تعلیم تے محنت سودھا مختلف شعبیاں اچ تعاون تے اتفاق کیتا ڳیا۔ ݙوہائیں فریقاں باہمی تجارت تے سرمایہ کاری دے حوالے نال باقاعدہ مشاورت، رابطہ کاری تے تعاون کیتے حکومتی سطح تے تجارت و سرمایہ کاری بارے مشترکہ ورکنگ گروپ قائم کرݨ تے اتفاق کیتا جیڑھا ہک ادارہ جاتی طریقۂ کار دے طور تے کم کریسی۔