اسلام آباد۔8 اکتوبر(اے پی پی)بحرین دے وزیر خارجہ ڈاکٹر عبداللطیف بن راشد الزیانی جنرل ہیڈ کوارٹرز (جی ایچ کیو) راولپنڈی دا دورہ کیتے اتے چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال ملین۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ باہمی دلچسپی دے امور، علاقائی سیکیورٹی صورتحال اتے پاکستان و بحرین دے دفاعی و سیکیورٹی تعاون …
فیلد مارشل سید عاصم منیر نال بحرینی وزیرِ خارجہ ڈاکٹر عبداللطیف بن راشد الزیانی دی ملاقات
اسلام آباد۔8 اکتوبر(اے پی پی)بحرین دے وزیر خارجہ ڈاکٹر عبداللطیف بن راشد الزیانی جنرل ہیڈ کوارٹرز (جی ایچ کیو) راولپنڈی دا دورہ کیتے اتے چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال ملین۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ باہمی دلچسپی دے امور، علاقائی سیکیورٹی صورتحال اتے پاکستان و بحرین دے دفاعی و سیکیورٹی تعاون تے ڳالھ تھئی۔ فیلڈ مارشل سید عاصم منیر پاکستان اتے بحرین دے تکڑے برادرانہ تعلقات ڳونہا کریندے آکھیا جو ݙوہیں ملکاں دے تعلقات مشترکہ اقدار و باہمی احترام آلے ہین۔ فیلڈ مارشل دفاع و سکیورٹی سودھا مختلف شعبیاں اچ ݙوطرفہ تعاون ٻیا تکڑا ٻݨاوݨ کیتے پاکستان دا عزم دوہرایا۔ بحرین دے وزیر خارجہ پاکستان دی مسلح افواج دی پیشہ ورانہ صلاحیتاں اتے آپریشنل تیاری دی تعریف کیتی اتے باہمی تعاون ٻیا تکڑا ٻݨاوݨ دا عزم دوہرایا۔ ڈاکٹر عبداللطیف بن راشد الزیانی علاقائی امن و استحکام کیتے پاکستان دیاں کوششاں دی وی تعریف کیتی۔
