اسلام آباد۔14جنوری(اے پی پی)وزیراعظم محمد شہباز شریف آندے 5 سال اچ آئی ٹی برآمدات 25 بلین ڈالر تئیں پچاوݨ دے اقدامات تے اطمینان کریندے ملک اچ فائبر آپٹک نال براڈ بینڈ سروسز ودھاوݨ کیتے موجودہ رائٹ آف وے دے ضوابط ٻئے سوکھے کرݨِ اتے آئی ٹی دے شعبے اچ پاکستان اچ سرمایہ کاری کرݨ کیتے سرمایہ کاراں کوں سوکھے ویزے ݙیوݨ دی ہدایت کیتی اے۔ او اسلام آباد اچ وزارت …
وزیراعظم دی اڳواݨی اچ وزارت آئی ٹی دے معاملیاں بارے جائزہ اجلاس
اسلام آباد۔14جنوری(اے پی پی)وزیراعظم محمد شہباز شریف آندے 5 سال اچ آئی ٹی برآمدات 25 بلین ڈالر تئیں پچاوݨ دے اقدامات تے اطمینان کریندے ملک اچ فائبر آپٹک نال براڈ بینڈ سروسز ودھاوݨ کیتے موجودہ رائٹ آف وے دے ضوابط ٻئے سوکھے کرݨِ اتے آئی ٹی دے شعبے اچ پاکستان اچ سرمایہ کاری کرݨ کیتے سرمایہ کاراں کوں سوکھے ویزے ݙیوݨ دی ہدایت کیتی اے۔ او اسلام آباد اچ وزارت آئی ٹی دے امور بارے جائزہ اجلاس دی اڳواݨی کریندے پئے ہن۔ وزیرت اعظم نوجواناں دے بیرون ملک ملازمت دے مواقع ودھاوݨ کیتے عالمی لوڑھ دے مطابق آئی ٹی تربیت ݙیوݨ اتے آئی ٹی اچ سرمایہ کاری کیتے سہولتاں ݙٰوݨ دی ہدایت کیتی۔ انہاں بیرون ملک توں آوݨ آلے آئی ٹی شعبے اچ پاکستانی کمپنیاں دی خدمات ڳھنݨ آلے تاجراں کو 24 گھنٹے اچ ویزا جاری کرݨ اتے آئی ٹی اچ مارکیٹنگ کیتے مربوط حکمت عملی ٻݨاوݨ دا آکھیے جو ملکی برآمدات ودھاوݨ کیتے آئی ٹی انفراسٹرکچر ٻیا بہتر کیتا ونڄے۔ اجلاس اچ آئی ٹی برآمدات 25 بلین ڈالر تئیں ودھاوݨ دے اقدامات تے بریفنگ ݙتی گئی جیدنے اچ عوام دی سمارٹ فونز تک رسائی، ودھ توں ودھ علاقیاں اچ براڈ بینڈ سروس ݙیوݨ، انٹرنیٹ سپیڈ اتے ٻئے اہداف تے پیش رفت دا ݙسایا ڳئے۔ آکھیا ڳئے جو قومی اے آئی پالیسی تے مشاورت توں بعد آندے مہینے منظوری کیتے پیش کیتی ویسی۔ اجلاس اچ وفاقی وزیر برائے اقتصادی امور احد خان چیمہ، وزیر مملکت برائے آئی ٹی شزہ فاطمہ خواجہ اتے متعلقہ اداریاں دے اعلیٰ افسران شریک ہن۔
