الیکٹرک وہیکلز نال ماحولیاتی آلودگی تے قابو پاوݨ اتے سرمایہ کاری ودھاوݨ اچ مدد ملسی، وزیراعظم دا اجلاس توں خطاب

اسلام آباد۔15جنوری  (اے پی پی) وزیراعظم محمد شہبازشریف الیکٹرک وہیکلز بارے پالیسی دی تعریف کریندیں ہوئیں آکھیا جو الیکٹرک وہیکلز نال ماحولیاتی آلودگی تے قابو پاوݨ اتے سرمایہ کاری ودھاوݨ اچ مدد ملسی۔ بدھ کوں ملک اچ الیکٹرک وہیکلزدے فروغ تے حکومتی پالیسی بارے اجلاس توں خطاب کریندیں ہوئیں وزیراعظم آکھیا جو دنیا ماحولیاتی تبدیلیاں بارے پریشان اے۔ کاپ 29 اچ وی ایں بارے ڳالھ تھئی اے۔ پاکستان اچ وی ایجھی تبدیلیاں ضروری ہن جئیں نال ماحولیاتی آلودگی ڳھٹ تھیوے۔ وزیراعظم  الیکٹرک وہیکلز بارے وزارت بجلی دی پالیسی دی تعریف کریندیں ہوئیں آکھیا جو   الیکٹرک وہیکلز دی صنعت  کیتے بجلی دی قیمت  70 روپے توں ڳھٹ کر تے 40 روپے کرݨ چنڳی ڳالھ اے۔ ایں نال سرمایہ کاری ودھسی۔ انہاں آکھیا جو الیکٹرک وہیکلز نال ماحولیاتی آلودگی تے قابو پاوݨ اتے سرمایہ کاری ودھاوݨ اچ مدد ملسی۔وزیراعظم ہدایت کیتی جو  الیکٹرک وہیکلز دی صنعت کیتے بجلی دی قیمت اچ 30 فیصد ڳھٹکی بارے آگاہی ݙتی ونڄے۔