اسلام آباد۔15جنوری (اے پی پی) وزیراعظم محمد شہباز شریف ایف آئی اے کوں ٻاہرلے ملک انسانی سمگلنگ اچ ملوث انتہائی مطلوب بندیاں دی حوالگی کیتے انٹرپول توں تعاون ڳھنݨ دا حکم ݙیندیں ہوئیں آکھیا جو انسانی سمگلنگ نال ملکی ساکھ دا ضیان کرݨ آلیاں دے خلاف سخت قانونی کاروائی کیتی ویسی۔ بدھ کوں وزیراعظم آفس دے میڈیا ونگ توں جاری بیان موجب وزیراعظم دی صدارت ملک اچ انسانی سمگلنگ دے …
وزیراعظم دا ٻاہرلے ملک انسانی سمگلنگ اچ ملوث انتہائی مطلوب بندیاں دی حوالگی کیتے انٹرپول توں تعاون ڳھنݨ دا حکم
اسلام آباد۔15جنوری (اے پی پی) وزیراعظم محمد شہباز شریف ایف آئی اے کوں ٻاہرلے ملک انسانی سمگلنگ اچ ملوث انتہائی مطلوب بندیاں دی حوالگی کیتے انٹرپول توں تعاون ڳھنݨ دا حکم ݙیندیں ہوئیں آکھیا جو انسانی سمگلنگ نال ملکی ساکھ دا ضیان کرݨ آلیاں دے خلاف سخت قانونی کاروائی کیتی ویسی۔ بدھ کوں وزیراعظم آفس دے میڈیا ونگ توں جاری بیان موجب وزیراعظم دی صدارت ملک اچ انسانی سمگلنگ دے خاتمے بارے کیتے ڳئے اقدامات دا جائزہ اجلاس تھیا۔ وزیراعظم حکم ݙتا جو انسانی سمگلنگ روکݨ کیتے سارے ادارے کم کرن۔ وزیراعظم ایف آئی اے اچ افرادی قوت دی ڳھٹکی پورا کرݨ کیتے اتے ہوائی اڈیاں تے ملکی سفر کرݨ آلیاں دی سکریننگ دا معیاری نظام ٻݨاوݨ دی ہدایت کیتی۔ انہاں وزارت اطلاعات و نشریات کوں غیر قانونی ٻاہرلے ملک سفر اتے انسانی سمگلنگ بارے آگاہی مہم چلاوݨ دی ہدایت کیتی۔ اجلاس اچ انسانی سمگلراں دے خلاف ہݨ تئیں کیتے ڳئے اقدامات تے بریفنگ ݙتی ڳئی۔ اجلاس کوں ݙسیا ڳئیا جو جون 2023 اتے دسمبر 2024 دے انسانی سمگلنگ دے واقعیاں اچ کئی انسانی سمگلرز گرفتار تھی ڳئن۔ اجلاس اچ وفاقی وزیر اقتصادی امور احد خان چیمہ، وفاقی وزیر برائے اطلاعات تے نشریات عطا اللہ تارڑ اتے متعلقہ اداریاں دے اعلیٰ افسرشریک تھیے۔
