اسلام آباد۔15جنوری(اے پی پی) قومی اسمبلی کوں ݙسایا ڳئے زینب الرٹ ٻل تے پوری طرح عملدرآمد تھیندا پئے ، ٻل دے تحت یونٹس قائم ہن تے کم کریندے پیوں ، سینئرسیٹزن سانڳے وی کم تھیندا پئے ،قومی اسمبلی اچ آغارفیع اللہ دے سوال تے وزیرقانون اعظم نذیرتارڑ ایوان کوں ݙسائے سینئرسیٹزن دے حوالے نال سارے قواعد وضوابط بݨائے ڳئن ، عبوری حکومت اچ وزارت خزانہ اچ زیادہ ویلھا لڳے، …
زینب الرٹ ٻل تے پوری طرح عملدرآمد تھیندا پئے، سینئر سیٹزن سانڳے کم تھیندا پئے ، وزیر قانون اعظم نذیرتارڑ
اسلام آباد۔15جنوری(اے پی پی) قومی اسمبلی کوں ݙسایا ڳئے زینب الرٹ ٻل تے پوری طرح عملدرآمد تھیندا پئے ، ٻل دے تحت یونٹس قائم ہن تے کم کریندے پیوں ، سینئرسیٹزن سانڳے وی کم تھیندا پئے ،قومی اسمبلی اچ آغارفیع اللہ دے سوال تے وزیرقانون اعظم نذیرتارڑ ایوان کوں ݙسائے سینئرسیٹزن دے حوالے نال سارے قواعد وضوابط بݨائے ڳئن ، عبوری حکومت اچ وزارت خزانہ اچ زیادہ ویلھا لڳے، نویں اسمبلی جݙاں ول آئی تاں نامزدگیاں ول تھئن ۔ مہرین رزاق بھٹو دے سوال تے انہاں آکھیے چیئرمین انسانی حقوق دے حوالے نال باول بھٹوزرداری چنڳی کاکردگی ݙکھائی اے ،موجودہ کمیٹی اچ سارے معاملات سیاست دی نذرتھیندے پئن ، زینب الرٹ ٻل پوری طرح فعال اے، ساݙے یونٹس قائم ہن تے کم کریندے پئن ، سینئرسیٹزن سانڳے وی کم تھیندا پئے ۔رمیش لال دے سوال تے پارلیمانی سیکرٹری مواصلات گل اصغرخان آکھیے گولڑہ موڑ انڈرپاس 18مارچ توں شروع کیتا ڳئے ایں انڈرپاس تے ٹریفک چلدی پئی اے تے سگنلز تےلنک روڈ سی ڈی اے اتے راولپنڈی دی انتظامیہ دے تحت آندی اے
