اپوزیشن دے طرزعمل نال ایوان دے نظام اچ خلل پوندا پئے ، سپیکر قومی اسمبلی سردار ایاز صادق

اسلام آباد۔15جنوری(اے پی پی) سپیکر قومی اسمبلی ایاز صادق آکھیے اپوزیشن دے طرزعمل نال ایوان دے نظام اچ خلل پوندا پئے ۔ قومی اسمبلی دے اجلاس دے شروع اچ سوالاں دے وقفے دا اعلان کیتا تاں اپوزیشن ارکان دی طرفوں اعتراض دے نکتے ڳالھ کرݨ دا مطالبہ کیتا ڳئے جیں تے سپیکر آکھیے سوالاں دے وقفے اچ پوائنٹ آف آرڈر نہ گھنݨ دا فیصلہ تھئے ایں تے اپوزیشن دے ارکان شور شرابہ تے نعرے بازی شروع کیتی۔ سپیکر آکھیےعوام دے مسئلیں کوں حل کرݨ تے توجہ ݙیوݨ دی لوڑھ اے ، غیرضروری بحث توں ایوان دے نظام اچ خلل پوندا پئے ۔آغا رفیع اللہ آکھیے اپوزیشن ھک ایجنڈے دے تحت پارلیمانی نظام کوں ڈی ریل کرݨ چاہندی اے ، جݙاں وی عوام دے مسئلیں سانڳے اساں حکومت کنوں جواب گھندوں تاں اے لوک ایویں شور شرابہ شروع کریندن ۔وزیر قانون اعظم نذیر تارڑ آکھیے اسمبلی دا اپݨا ھک ڈیکورم اے، ایوان دے اندر ویڈیو گرافی، تصویراں ، سیلفیاں بݨاوݨ منع اے۔ انہاں آکھیے اے عوام دی سیاست نی کریندے ، فوٹو گرافی تے اپوزیشن ارکان کوں نوٹس ݙیوݨا چاہیدے۔