اسلام آباد۔15جنوری(اے پی پی) نائب وزیراعظم تے وزیر خارجہ سینیٹر محمد اسحاق ڈار نال وزیراعلیٰ سندھ سید مراد علی شاہ ملاقات کیتی، رکن قومی اسمبلی سید نوید قمر، وزیر منصوبہ بندی سندھ، چیف سیکرٹری سندھ، چیئرمین پی اینڈ ڈی سندھ تے سیکرٹری خزانہ سندھ وی ایں موقع تے موجود ہن ۔ نائب وزیر اعظم دے آفس توں جاری بیان موجب اجلاس اچ وزیر خزانہ محمد اورنگزیب اتے متعلقہ وفاقی …
نائب وزیراعظم سینیٹر محمد اسحاق ڈار نال وزیراعلیٰ سندھ سید مراد علی شاہ دی ملاقات
اسلام آباد۔15جنوری(اے پی پی) نائب وزیراعظم تے وزیر خارجہ سینیٹر محمد اسحاق ڈار نال وزیراعلیٰ سندھ سید مراد علی شاہ ملاقات کیتی، رکن قومی اسمبلی سید نوید قمر، وزیر منصوبہ بندی سندھ، چیف سیکرٹری سندھ، چیئرمین پی اینڈ ڈی سندھ تے سیکرٹری خزانہ سندھ وی ایں موقع تے موجود ہن ۔ نائب وزیر اعظم دے آفس توں جاری بیان موجب اجلاس اچ وزیر خزانہ محمد اورنگزیب اتے متعلقہ وفاقی ڈویژنز دے سیکرٹریز وی شرکت کیتی۔ ملاقات اچ سندھ دے پبلک سیکٹر ڈویلپمنٹ پروگرام اچ شامل جاری ترقیاتی منصوبیں دا تفصیل نال جائزہ ڳھدا ڳئے ۔ اجلاس اچ نظرثانی شدہ منصوبیں سانڳے مختص، عمل آوری اتے منظوری متعلق امور تے غور کیتا ڳئے جنہاں اچ خاص طور تے سڑک دے رابطے، پاݨی دے ذخیرے، سکولاں دے انفراسٹرکچر اتے ہائوسنگ متعلق منصوبے شامل ہن ایجھے منصوبیں دی منظوری تے عمل درآمد دی صورتحال تے تفصیل نال ڳالھ مہاڑ کیتی ڳئی ۔ اجلاس اچ ایں ڳالھ تے اتفاق کیتا ڳئے جو منظور شدہ لاڳت دے اندر منصوبیں دی وختی تکمیل صوبہ سندھ دی ترقی اتے آبادی دی بہتری سانڳے ناگزیر اے۔ نائب وزیراعظم وزیر اعلیٰ کوں وفاقی حکومت دے سارے منظور شدہ منصوبیں سانڳے فنڈز دے مکمل تے وختی اجرا کوں یقینی بݨاوݨ دے عزم دا یقین ݙیوائے۔ انہاں اے وی یقین ݙیوائے جو جاری منصوبیں دی لاڳت اچ کہیں وی قسم دے اضافے تے فیصلہ سانڳے سی ڈی ڈبلیو پی اتے ایکنیک دی طرفوں تکھے غور کیتا ویسی۔
