اسلام آباد۔15جنوری (اے پی پی) وفاقی وزیر بحری امور قیصر احمد شیخ نال پاکستان اچ تعینات مصر دےسفیر ڈاکٹر ایہاب محمد عبدالحامد حسن ملاقات کیتی۔ ایں موقع تے ݙوہیں ملکاں وچال بحری تجارت کوں ودھارا ݙیوݨ تے ݙو پاسے تعلقات مزید مستحکم کرݨ تے ڳالھ مہاڑ کیتی ڳئی ۔ملاقات اچ پاکستان تے مصر وچال تاریخی اتے برادرانہ تعلقات دا ذکر تھئے تے انہاں تعلقات کوں مزید بہتر بݨاوݨ سانڳے …
وفاقی وزیر قیصر احمد شیخ نال مصردےسفیر ڈاکٹر ایہاب محمد عبدالحامد حسن دی ملاقات
اسلام آباد۔15جنوری (اے پی پی) وفاقی وزیر بحری امور قیصر احمد شیخ نال پاکستان اچ تعینات مصر دےسفیر ڈاکٹر ایہاب محمد عبدالحامد حسن ملاقات کیتی۔ ایں موقع تے ݙوہیں ملکاں وچال بحری تجارت کوں ودھارا ݙیوݨ تے ݙو پاسے تعلقات مزید مستحکم کرݨ تے ڳالھ مہاڑ کیتی ڳئی ۔ملاقات اچ پاکستان تے مصر وچال تاریخی اتے برادرانہ تعلقات دا ذکر تھئے تے انہاں تعلقات کوں مزید بہتر بݨاوݨ سانڳے بحری امور اچ تعاون دے نویں امکانات تے ڳالھ مہاڑ کیتی ڳئی ۔ دونوں فریقین ایں ڳالھ تے زور ݙتے جو سمندری تجارت تے سرمایہ کاری دے ذریعے معاشی تعاون کوں ودھارا ݙتا ونڄ سڳدے ۔ڈاکٹر ایہاب حسن مصر دے تجربے خاص طور تے سوئز کینال دی اہمیت تے روشنی پاتی تے پاکستان دے نال بحری ڈھانچے دی ترقی اچ تعاون دی پیشکش کیتی۔ وفاقی وزیر قیصراحمد شیخ پاکستان دی بندرگاہواں دی ترقی تے بحری تجارت دے ودھارے سانڳے حکومت دے اقدامات دا ݙسائے تے مصر دے تعاون دی تعریف کیتی ۔ایں موقع تے ڈپٹی چیف آف مشن سامح احمد الغمرائوی تے سیکرٹری بحری امور سید ظفرعلی شاہ وی موجود ہن ۔ ݙوہیں ملکاں ایں ڳالھ تے اتفاق کیتے جو تجارتی تعلقات کوں مزید ودھارا ݙیوݨ تے بحری شعبے اچ مشترکہ مفادات گھنݨ سانڳے مستقل بنیاداں تے مشاورت جاری رکھی ویسی۔
