سرکاری سکیم دے تحت حج درخواستاں دی تعداد 84ہزار350 تئیں پڄ ڳئی اے، 2500 گنجائش موجود اے، وزارت مذہبی امور

اسلام آباد۔16جنوری  (اے پی پی) سرکار ی سکیم دے تحت  حج درخواستاں دی تعداد 84ہزار350  تئیں پڄ ڳئی اے۔ اے ڳالھ   وزارت مذہبی اموردے ترجمان خمیس کوں ’’اے پی پی ‘‘ نال خصوصی ڳالھ مہاڑ اچ ݙسائی۔ انہاں آکھیا جو وزارت مذہبی امور سرکاری سکیم اچ بچ ڳئے پںڄ ہزار دے کوٹے کیتے درخواستاں دی وصولی دا ݙوجھا مرحلہ شروع کیتا ہئی جئیں دے تحت ہݨ تئیں ملݨ آلی حج درخواستاں دی تعداد 84 ہزار 350 تھی ڳئی اے۔  بئی 2500 درخواستاں دی وصولی دا ہدف اڄاں باقی اے، انہاں آکھیا جو سرکاری سکیم دے تحت تقریباً 87 ہزار دے نیڑے جڈانجو مجموعی طور سرکاری اتے پرائیویٹ سکیماں دے تحت ہک لکھ 79 ہزار 210 پاکستانی حج پڑھسن۔  انہاں آکھیا جو عازمین حج کوں چاہیدے جو او وزارت مذہبی امور دی ویب سائٹ اتے پاک حج ایپ 2025 نال جڑیے رہن۔ سارے عازمین 16 جنوری توں  26 فروری تئیں حج تربیتی  پروگرامز اچ شرکت کوں یقینی ٻݨاون۔