جیڑھی قوماں آپݨے ماضی تے فخر نی کریندی او کݙاہیں ترقی نی کر سڳدی، وفاقی وزیر اطلاعات عطاءاللہ تارڑ دا پاک ترکیہ فرینڈ شپ ریڈیو میوزیم دی افتتاحی تقریب توں خطاب

اسلام آباد۔16جنوری  (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو جیڑھی قوماں آپݨے ماضی تے فخر نی کریندی او کݙاہیں ترقی نی کر سڳدی۔ پاکستان اتے ترکیہ دی دوستی دی لمبی تاریخ اے۔  پاک ترکیہ فرینڈ شپ ریڈیو میوزیم ٻݨاوݨ دا مقصد آوݨ آلی نسلاں کوں پاکستان اتے ترکیہ دے تعلقات دی اہمیت نال سنڄاݨ کراوݨ اے۔ پاکستان ترکیہ کوں آپݨا ݙوجھا گھر سمجھدن۔  وفاقی وزیر اطلاعات تے  نشریات عطاءاللہ تارڑ  پاک ترکیہ فرینڈ شپ ریڈیو میوزیم دی افتتاحی تقریب توں خطاب کریندیں ہوئیں آکھیا جو اڄ اساں تاریخ دا او حصہ محفوظ کیتے جو اساݙی سنڄاݨ ٻݨیے، پاکستان ٻݨݨ توں اڄ تئیں ریڈیو پاکستان دے تاریخی پس منظر کوں اساں آوݨ آلے ویلھے کیتے محفوظ کر ڳھدے۔  پاک ترکیہ فرینڈ شپ ریڈیو میوزیم دی اہمیت کوں اجاگر کریندیں ہوئیں انہاں آکھیا جو پاکستان اتے ترکیہ دی دوستی دی لمبی تاریخ اے۔  پاک ترکیہ فرینڈ شپ ریڈیو میوزیم ٻݨاوݨ دا مقصد آوݨ آلی نسلاں کوں پاکستان اتے ترکیہ دے تعلقات دی اہمیت نال سنڄاݨ کراوݨ اے۔ آوݨ آلی نسلاں ݙیکھسن جو ریڈیو پاکستان پاکستان ٻݨݨ توں اڄ تئیں کیا کردار ادا کیتے۔ انہاں آکھیا جو پاکستان دی اکثر نامور اداکاراں آپݨآ کیریئر ریڈیو پاکستان توں شروع کیتے اتے ٻاہرلے ملک وںج تے پاکستان دی عزت ودھائی جئیں تے اساکوں فخر اے۔ انہاں آکھیا جو عوامی آگاہی اتے معلومات بارے ریڈیو پاکستان دا اہم کردار رہیے۔  وزیر اطلاعات آکھیا جو پاکستانی قوم دنیا اچ ساریاں توں ودھ فلاحی کماں اچ حصہ ڳھندی اے۔  عطاءاللہ تارڑ آکھیا جو اڄ اساں آپݨے ماضی اتے آپݨی تاریخ کوں سانبھݨ اتے ریڈیو پاکستان دے کردار کوں منیندے پئیوں۔  وفاقی وزیر آکھیا جو ریڈیو دے آرکائیوز کوں سانبھݨ، ریڈیو پاکستان دی ترقی بارے ٻیا کم کرݨ دی لوڑھ اے۔  وفاقی وزیر آکھیا جو پاکستان اتے ترکیہ کوں آپݨے ملک دے لوکاں دے خوشحال مستقبل کیتے اڳوں ودھݨ دی لوڑھ اے اتے اساکوں لوکاں وچال مثبت رابطیاں کوں ودھاوݨا پوسی۔