پاکستان دا غزہ اچ جنگ بندی دا خیر مقدم اتے ایں تے فوری اتے مکمل عملدرآمد دا مطالبہ، بھارتی وزیردفاع اتے فوج دے سربراہ دے بے بنیاد الزامات سختی نال مسترد

اسلام آباد۔16جنوری  (اے پی پی) پاکستان بھارت دے وزیر دفاع اتے چیف آف آرمی سٹاف دے بے بنیاد الزامات اتے بے بنیاد دعویاں کوں سختی نال مسترد کر ݙتے۔ پاکستان غزہ اچ جنگ بندی دا خیر مقدم کریندیں ہوئیں اتے ایں تے فوری اتے مکمل عملدرآمد دا مطالبہ کر ݙتے۔ دفتر خارجہ دے ترجمان شفقت علی خان خمیس کوں پریس بریفنگ اچ آکھیا جو جموں تے کشمیر ہک بین الاقوامی طور منیا ڳئیا متنازعہ علاقہ اے جئیں دی حتمی حیثیت دا تعین اقوام متحدہ دی سلامتی کونسل دی متعلقہ قرارداداں اتے کشمیری عوام دی امنگاں دے مطابق تھیوݨ باقی اے۔ انہاں آکھیا جو ایں تناظر اچ بھارت کنے آزاد جموں تے کشمیر اتے گلگت بلتستان دے علاقیاں تے فرضی دعوے کرݨ دا کوئی قانونی یا اخلاقی بنیاد کائنی۔ ترجمان آکھیا جو پاکستان دا  غزہ اچ جنگ بندی دا خیر مقدم اتے ایں تے فوری اتے مکمل عملدرآمد دا مطالبہ کریندے۔  شفقت علی خان آکھیا جو پاکستان مسئلہ فلسطین دے منصفانہ، جامع اتے پائیدار حل دی حمایت کریندے۔