اسلام آباد۔16جنوری(اے پی پی) گورنر سندھ کامران خان ٹیسوری اسلام آباد اچ فلسطینی سفارتخانے دا دورہ کیتے اتے فلسطین دے سفیر ڈاکٹر ظہیر محمد حمد اللہ زید نال ملاقات کیتی ۔ گورنر سندھ کامران خان ٹیسوری فلسطین دے سفارتخانہ پڄے تاں فلسطینی سفیرسودھے ٻئے سفارتی عملے گورنر سندھ دا پرتپاک خیر مقدم کیتا ۔ ملاقات اچ گورنر سندھ آکھیے سیز فائر معاہدے توں خطے اچ امن دی امید جاڳ …
گورنرسندھ کامران خان ٹیسوری دی فلسطین دے سفارتخانہ ڳئن ، سفیر ڈاکٹر ظہیر محمد حمد اللہ زید نال ملاقات
اسلام آباد۔16جنوری(اے پی پی) گورنر سندھ کامران خان ٹیسوری اسلام آباد اچ فلسطینی سفارتخانے دا دورہ کیتے اتے فلسطین دے سفیر ڈاکٹر ظہیر محمد حمد اللہ زید نال ملاقات کیتی ۔ گورنر سندھ کامران خان ٹیسوری فلسطین دے سفارتخانہ پڄے تاں فلسطینی سفیرسودھے ٻئے سفارتی عملے گورنر سندھ دا پرتپاک خیر مقدم کیتا ۔ ملاقات اچ گورنر سندھ آکھیے سیز فائر معاہدے توں خطے اچ امن دی امید جاڳ ڳئی اے ، فلسطینی عوام ٻہوں اوکھے ویلھے توں گزرئن ، انھاں دی آباد کاری سانڳے پرامید ہیسے۔ انہاں مزید آکھیے فلسطین دی سفارتی، اخلاقی و سیاسی حمایت جاری رہسی ۔ فلسطین دے سفیر گورنر سندھ کوں ݙسیندے اکھیں اچ ہنڄوں آڳئے جو فلسطین اچ اڄ وی شہادتاں تھئن ۔ گورنر سندھ اسرائیلی بربریت تے تشویش کریندے عالمی برادری توں نوٹس گھنݨ دی اپیل کیتی ۔ گورنر سندھ فلسطینی سفیر کوں گورنر ہائوس آوݨ دی دعوت وی ݙتی جیں کوں فلسطینی سفیر قبول کریندے آکھیے او وختی دورہ کریسن۔
