نادرا دے ذریعے نیشنل پولیس بیورو کوں جدید ٹیکنالوجی ݙیوݨ ہک مثبت پیش رفت اے، سینیٹر اعظم نذیر تارڑ

اسلام آباد۔17جنوری (اے پی پی) وفاقی وزیر قانون سینیٹر اعظم نذیر تارڑ آکھیا جو نادرا دے ذریعے نیشنل پولیس بیورو کوں جدید ٹیکنالوجی ݙیوݨ ہک مثبت پیش رفت اے جو ڈیٹا مینجمنٹ اتے سکیورٹی کوں بہتر ٻݨیسی۔ جمعےکوں سینیٹ اجلاس اچ سوالاں دے ولدے اچ وفاقی وزیر آکھیا جو حکومت دے ڈیجیٹل انفراسٹرکچر اتے پرائیویسی بارے کیتے ڳئے اقدامات کریندی پئی اے، جتھاں تئیں سی ڈی اے (کیپیٹل ڈویلپمنٹ اتھارٹی) دا تعلق اے اوندے کول ٹریفک قوانین دی خلاف ورزی تے جرمانے لاوݨ دا اختیار کائنی۔ اے کم ٹریفک پویس یا متعلقہ محکمیاں دے اختیار اچ امدے، اگر سی ڈی اے دے دائرہ اختیار اچ کوئی تبدیلی کیتی ویسی تاں ایں بارے باقاعدہ قانونی ترامیم دی لوڑھ ہوسی۔ انہاں آکھیا جو سی ڈی اے اسلام آباد اچ ماحولیاتی تبدیلی دے مسئلے تے خصوصی توجہ ݙیندی پئی اے۔