رشوت، کرپشن اتے ڈاکہ ثابت تھی ڳئے، بانی چیئرمین پی ٹی آئی عدالت اچ پکے ثبوت پیش نی کر سڳیے، سزا قانون، میرٹ اتے ثبوتاں دے مطابق اے، وفاقی وزیر اطلاعات عطاءاللہ تارڑ دی میڈیا نال ڳالھ مہاڑ

اسلام آباد۔17جنوری (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو رشوت، کرپشن اتے ڈاکہ ثابت تھی ڳئے،القادر ٹرسٹ بلیک منی کوں وائٹ کرݨ کیتے بݨایا ڳئے، 190 ملین پاؤنڈ میگا کرپشن کیس اچ مذہب کارڈ استعمال کیتا ڳئے۔ ڈیفنس کونسل کیس سیاسی طور لڑیے، بانی چیئرمین پی ٹی آئی عدالت اچ پکے ثبوت پیش نی کر سڳیے، سزا قانون، میرٹ اتے ثبوتاں دے مطابق اے۔ جمعے کوں پارلیمنٹ ہاؤس دے ٻاہر وزیر قانون اعظم نذیر تارڑ دے رلے میڈیا نال ڳالھ مہاڑ کریندیں ہوئیں وفاقی وزیر اطلاعات آکھیا جو 190 ملین پائونڈ پاکستان دی تاریخ دا میگا کرپشن کیس ہئی، ڈیفنس کونسل ایں کیس کوں سیاسی طور لڑیے، فیصلے اچ وی آکھیا ڳئے جو وکیل صفائی بے گناہی دے ثبوت نی ڈے سڳیے اتے پراسیکیوشن ولوں رشوت دے ثبوتاں دا جواب وی نی ݙے سڳیے۔ وزیر اطلاعات آکھیا جو ایں کیس اچ مذہب کارڈ استعمال کیتا ڳئے۔ اے کتھ دا انصاف اے جو برطانیہ دی نیشنل کرائم ایجنسی ولوں ضبط تھئی رقم وصول تھئی، تساں جئیں توں ضبط کیتی اوندے حوالے کر ݙتی اتے اوندے بدلے زمان پارک لاہور اچ 25 کروڑ داگھر ٻݨایا۔ ہیرے دی پنڄ پںج قیراط دی مندریاں ٻݨائن، ݙو سو کنال زمین ڳھدی اتے ذال پئے فراڈ ٹرسٹ ٻݨایا۔ القادر ٹرسٹ کہیں ایدھی یا چھیپا دا نئی بلکہ بلیک منی کوں وائٹ کرݨ کیتے بݨایا ڳئیا ہئی۔ اے پیسہ پاکستان دی عوام دی امانت ہئی جو ہک بندے دے حوالے کر ݙتا ڳئیا۔ ایں کیس اچ اپیل دا حق حاصل اے مگر اپیل اچ ویندو تاں اے ثابت کرݨا پوسی جو این سی اے رقم حکومت پاکستان کوں کیو ݙتی؟ اے ثابت کرݨا پوسی جو بند لفافہ کابینہ کنے کیو ڳھن تے ڳئے؟ اے ثابت کرݨا پوسی جو تساں فراڈ ٹرسٹ نی ٻݨایا، لاہور اچ پنجوی کروڑ دا گھر نی ٻݨایا، ݙو سو کنال زمین نی ڳھدی۔ انہاں آکھیا جو اڄ پورے ملک دے وکیل آکھدے پئن جو اے فیصلہ قانون دے مطابق اے۔ انہاں آکھیا جو رشوت، کرپشن اتے ڈاکہ ثابت تھی ڳئے، بانی چیئرمین پی ٹی آئی عدالت اچ پکے ثبوت پیش نی کر سڳیے، سزا قانون، میرٹ اتے ثبوتاں دے مطابق اے۔