صدر مملکت آصف علی زرداری دا تیراہ اچ کارروائی دے دوران 5 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔17جنوری(اے پی پی) صدر مملکت آصف علی زرداری تیراہ ضلع خیبر اچ کارروائی دے دوران 5 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ ایوان صدر دے پریس ونگ توں جاری بیان موجب صدر مملکت انٹیلیجنس تے مبنی کامیاب آپریشن دے دوران خوارجی سرغنہ عبیداللہ سودھے 5 خوارج کوں جہنم واصل کرݨ تے سکیورٹی فورسز دی بہادری دی تعریف کیتی ۔ صدر مملکت ملک توں فتنتہ الخوارج دے منڈھوں مکاوݨ دا عزم کریندے آکھیے سکیورٹی فورسز دہشت گردی دے عفریت مکاوݨ سانڳے کاروائیاں کریندی پئی اے ، پوری قوم دہشت گردی دے خلاف ھک مٹھ اے اتے دہشت گردی دے منڈھوں مکاوݨ تئیں فتنتہ الخوارج دے خلاف کارروائیاں جاری رہسن۔