چیئرمین سینیٹ دی ہیلتھ اینڈ فٹنس گالا اچ شرکت

اسلام آباد۔18جنوری (اے پی پی) چیئرمین سینیٹ سید یوسف رضا آکھیے صحت مند معاشرے دے قیام سانڳے تندرستی کوں ودھارا ݙیوݨ ناگزیراے ،جسمانی سرگرمیاں بیماریاں دا ٻوجھ گھٹ کرݨ سانڳے ضروری ہن ،نجی شعبہ صحت تے فٹنس دے ودھارے اچ مزید کردار ادا کرے۔ چیئرمین سینیٹ ہیلتھ اینڈ فٹنس گالا دے موقع تے آپݨی ڳالھ کریندے پولیس فورس تے شہداء دے خاندان دیان قربانیاں کوں خراج تحسین پیش کیتے تے آکھیے ایف پی سی سی آئی اتے اسلام آباد پولیس دے اقدامات قابل ستائش ہن ۔سید یوسف رضا گیلانی آکھیے پوری قوم اتے حکومت شہدا دے خانداناں دے رلے کھڑی اے،پاکستان بہادر مرد تے تریمتاں ونڄاݙتن ، انھاں دا ضیان اجتماعی ضیان اے ۔سید یوسف رضا گیلانی امن و استحکام برقرار رکھݨ سانڳے آپݨے عزم دا اعادہ کریندے آکھیے صحت مند معاشرے دے قیام سانڳے تندرستی کوں ودھارا ݙیوݨ ناگزیر اے ،جسمانی سرگرمیاں بیماریاں دا ٻوجھ گھٹ کرݨ سانڳے ضروری ہن ،نجی شعبہ صحت اتے فٹنس دے ودھارے اچ مزید کردار نبھاوے ، انہاں جسمانی تعلیم کوں نصاب دا حصہ بݨاوݨ دی لوڑھ تے زور ݙیندے آکھیے عوامی آگاہی مہم دے ذریعے جسمانی سرگرمیاں دے فیدے اجاگر کیتے ونجن۔ انہاں آکھیے پولیس دی لڳن اتے قربانیاں کوں ہمیشہ یاد رکھیا ویسی ۔چیئرمین سینیٹ مزید آکھیے ہیلتھ اینڈ فٹنس گالا صحت عامہ دے ودھارے اچ اہم قدم اے ۔سید یوسف رضا گیلانی صحت مند پاکستان دے قیام دا عزم کریندے آکھیے پاکستانی عوام دی صحت اتے بہبود ساݙی اولین ترجیح اے۔