اسلام آباد، شمال مغربی بلوچستان، خیبر پختونخوا ،گلگت بلتستان، خطہ پوٹھوہار،کشمیر،مری اتے گلیات اچ تکھی ہوا گُھلݨ دے نال مینھ تے برف پووݨ دا امکان ، محکمہ موسمیات

اسلام آباد۔18جنوری(اے پی پی) اسلام آباد، شمال مغربی بلوچستان، اُتلے خیبر پختونخوا ،گلگت بلتستان، خطہ پوٹھوہار،کشمیر،مری اتے گلیات اچ تکھی ہوا گُھلݨ دے نال مینھ تے برف پووݨ دا امکان اے ۔ محکمہ موسمیات موجب آندے چووی گھنٹے اچ پنجاب دے ٻہوں سارے ضلعیں ، اُتلے سندھ اتے خیبر پختونخوا دے میدانی علاقیں اچ سویلے تے رات کوں درمیانی توں شدید کوہیڑ پووݨ جݙاں جو ایں دوران ملک دے ٻہوں سارے علاقیں اچ موسم ٹھڈا تے رکھا جݙاں جو اُتلے علاقیں اچ زور دا پالا پووݨ تے موسم جُھڑ آلا رہݨ دا امکان اے ۔رپورٹ موجب گزریل 24  گھنٹے اچ ملک دے ٻہوں سارے علاقیں اچ موسم ٹھڈا تے رکھا جݙاں جو پہاڑی علاقیں اچ ٻہوں ٹھڈا تے موسم جُھڑ آلا رہیا جݙاں جو پنجاب دے ٻہوں سارے ضعلیں تے اُتلے سندھ اچ کوہیڑ پئی ۔ ہفتے کوں ریکارڈ کیتے ڳئے گھٹ توں گھٹ درجہ حرارت دی رپورٹ موجب لہہ اچ درجہ حرارت  منفی 11، اسکردومنفی9، گوپس منفی 7، استور، قلات منفی  6،راولاکوٹ ، کالام منفی 4، مالم جبہ تے ہنزہ اچ منفی 3ڈگری سینٹی گریڈ ریکارڈ کیتا ڳئے ۔محکمہ موسمیات چتاوݨی ݙتی اے جو ہفتے دی رات تے اتوار اتوار 19 جنوری دی سویل چاغی، نوشکی، خاران، پشین ،قلعہ عبداللہ اتے کوئٹہ اچ مینھ پاروں فلیش فلڈنگ دا ݙر اے ۔ایں دوران  کوئٹہ، زیارت، چمن، پشین، قلعہ عبداللہ تے قلعہ سیف اللہ اچ سڑکاں دے بند تھیوݨ تے پھسلن پاروں ٹریفک دی روانی  وی متاثر تھی سڳدی اے۔