سپیکرقومی اسمبلی دی پارلیمنٹ لاجز متعلق مسئلے وختی مکاوݨ دی ہدایت

اسلام آباد۔22جنوری(اے پی پی) سپیکرقومی اسمبلی ایازصادق پارلیمنٹ لاجز متعلق مسئلے وختی مکاوݨ دی ہدایت کیتی ۔ قومی اسمبلی اجلاس اچ سوالاں دے وقفے اچ عالیہ کامران دے سوال تے پارلیمانی سیکرٹری ڈاکٹر درشن ایوان کوں ݙسائے جو ایم این اے ہاسٹل اچ پراݨا سامان رکھیا ویندے ، بعد اچ ٹینڈردے ذریعے نیلامی کیتی ویندی اے، چھیکڑی نیلامی اچ 50لکھ روپے ملیے ہن جیڑھے سی ڈی اے دے اکائونٹ اچ جمع کیتے ڳئن ۔ملک ابرار دے سوال تے انہاں آکھیے پارلیمنٹ لاجز کیتے زیادہ بجٹ کائنی ، ڈپٹی سپیکرایں حوالے نال اقدامات کیتن ، جے کمیٹی دورہ کرے تاں اساں ایندا خیرمقدم کریسوں ۔رانا مبشرآکھیے  اولڈ ایم این اے ہاسٹل دی صورتحال خراب اے ۔ سپیکرآکھیے ارکان سی ڈی اے دی کارگردگی توں خوش کائنی ۔وزیرقانون اعظم نذیرتارڑ آکھیے وزیرداخلہ تے مشتمل کمیٹی بݨائی ونڄے جیڑھے معاملہ دی باقاعدہ نگرانی کریسن۔سپیکرآکھیے ہائوس اینڈلائبریری کمیٹی دے اجلاس اچ فیصلہ تھیا ہئی جو ہفتہ واربنیاداں تےرپورٹ پیش کیتی ویسی۔ وزیرقانون آکھیے ارکان پارلیمان ساریں توں زیادہ صبردا امظاہرہ کریندن ۔ایم این ایز اتےسینیٹرز دی تنخواہ ھک لکھ 64ہزار اے جیں اچ 12سال توں کوئی ودھارا کائنی ، بجلی دے یونٹس وی انھاں کوں نی ملدے پئے ۔وزیرخزانہ، وزیرداخلہ اتے وزیرمنصوبہ بندی کوں وی سݙیا ونڄے تاں جو لاجزدا تعمیراتی کم وختی تھیوے ۔ سپیکر وزیرقانون کوں آکھیے تساں ھک میٹنگ سݙو جیں اچ کمیٹی دے ارکان وی شامل ہوون تاں جو اے معاملہ وختی حل تھیوے