پی ٹی آئی نال مذاکرات ختم کرِݨ دی ڳالھ میں نی بیرسٹر گوہر کیتی اے ،وزیر دفاع خواجہ محمد آصف

اسلام آباد۔22جنوری(اے پی پی) وزیر دفاع خواجہ محمد آصف آکھیے پی ٹی آئی نال مذاکرات ختم کرݨ دی ڳالھ میں نی بیرسٹر گوہر کیتی اے ، جے اپوزیشن سول نافرمانی دی تحریک گھن آئی تاں ساݙی حکمت عملی پہلے توں طے اے۔ پارلیمنٹ ہائوس دے ٻاہروں میڈیا نال ڳالھ مہاڑ کریندے وزیر دفاع خواجہ محمد آصف آکھیے بیرسٹر گوہر دےایکس پیغام دا جواب ݙتے مذاکرات ختم کرݨ دی ڳالھ بیرسٹرگوہرکیتی اے ۔انہاں آکھیے شکریہ جو بیرسٹر گوہراساکوں ٹویٹرتے یاد کیتا، مذاکرات ختم کرݨ دی ڳالھ میں نی کیتی ، بیرسٹر گوہر تاں خود آکھدے پئن جو کمیشن نہ بݨیا تاں مذاکرات نہ تھیسن، میں اے نی آکھیا جیں طرح او آکھدے پئن ،ہݨ انہاں اے آکھ ݙتے جو سیاسی ڳالھ کائناں تھئی ہئی ، اجلاس دے بعد بیرسٹر گوہرخود پہلےکڄھ ڳالھ کریندے پے ہن بعد اچ کجھ ٻئی ڳالھ کریندن ۔خواجہ آصف دا آکھݨ ہئی اپوزیشن سول نافرمانی تحریک گھن آئی تاں ساݙی حکمت عملی پہلے توں طے اے پہلے وی سول نافرمانی تے کہیں رقم نی روکی ،ٻاہرلے ملک ٻیٹھے لوکاں آپݨے گھراں اچ پیسے بجھواوݨے ہن ، سول نافرمانی وی ݙیکھ ڳھدی،3 حملے وی انہاں کرڳھدن ہݨ کیا چاہندن جو اساں منتاں تے آونڄوں ،اے ݙساون جو جوڈیشل کمیشن ہݨ کیا فیصلہ کرݨا اے ۔وزیر دفاع آکھیے جوڈیشل کمیشن بݨاوݨا اے تاں ول ایں وچ ماضی دیاں چیزاں وی شامل کرو، 35پنکچر دی ڳالھ شامل کرو ، دھرنے وی،9 مئی سودھے سارے خلفشار رکھن، 9مئی اچ تاں لوکاں دی نشاندہی تھی چکی کیس چلدے پئن ٻہوں سارے لوکاں کوں سزاواں مل ڳئن۔ انہاں آکھیے ساری رات انہاں دے یوٹیوبر اے آکھ تے نوٹ چھپیندے پئن جو سویلے اعلان تھیسی ، جݙاں لوکاں کوں نوٹ چھاپݨ دی عادت پئے ونڄے تاں کوڑیاں خبراں ݙیندے رہندن ۔ انہاں آکھیے وفاق تے ترائے حملے وی انہاں کر ڳھدے لیکن اڄ تئیں انہاں کوں کجھ حاصل وصول کائنی تھیا۔