رائٹ سائزنگ دے حوالے نال کابینہ کمیٹی دا اجلاس

اسلام آباد۔24جنوری(اے پی پی) رائٹ سائزنگ  دے حوالے نال کابینہ کمیٹی دا اجلاس تھیا۔ اجلاس دی صدارت وفاقی وزیر خزانہ و محصولات، سینیٹر محمد اورنگزیب ڈیووس، سوئٹزرلینڈ توں وڈیو لنک دے ذریعہ کیتی۔ اجلاس اچ ریونیو ڈویژن تے وزارت انسداد  غربت تے سماجی تحفظ دی طرفوں انہاں دے دائرہ کار ، تنظیمی ڈھانچے، بجٹ مختص، خرچے ، اتے عوامی خدمات تے اثرات تے تفصیلی پریذنٹیشنز ݙتیاں ڳئن ۔ریونیو ڈویژن دی پریزنٹیشن اچ فیڈرل بورڈ آف ریونیو (ایف بی آر) دے ٹرانسفارمیشن پلان دے اہم پہلوواں کوں اجاگر کیتا ڳئے ، خاص طور تے کسٹمز ڈیپارٹمنٹ کوں جدید بݨاوݨ سانڳے تیار کیتی ڳئی کوششاں تے روشنی پاتی ڳئی ۔ اے ٹرانسفارمیشن پلان 19 ستمبر 2024 کوں وزیرِاعظم دی منظوری نال نافذ کیتا ڳئے ، جیں دا مقصد آپریشنز اچ بہتری گھن آوݨ اے، بشمول فیس لیس کسٹمز اسسمنٹ ایند ایگزامینیشن جیھے  آٹومیشن اتے تکنیکی انضمام دے اقدامات شامل ہن۔کمیٹی کوں ریونیو ڈویژن دی طرفوں آپریشنز کوں بلاتعطل جاری رکھݨ سانڳے چاتے ڳئے اقدامات تے بریفنگ ݙتی ڳئی، جنھاں اچ گریڈ 18 اتے تلے دی 158 آسامیاں دا خاتمہ اتے گریڈ 16 توں گریڈ 20 تئیں دی 27 آسامیاں  کوں  ’’ڈائنگ پوسٹس ‘‘قرار ݙیوݨ شامل اے ، جیڑھی 27 اگست 2024 دے کابینہ دے فیصلے دا حصہ اے۔ ایف بی آر کوں درپیش چیلنجز پاروں ، ریونیو ڈویژن اپݨے فیلڈ فارمیشنز اچ 60 فیصد خالی آسامیاں مکاوݨ دی شرط توں ھک واری وک چھوٹ دی تجویز پیش کیتی ۔سینیٹر محمد اورنگزیب ایف بی آر کوں پیش آندے لمبی مدت سرمایہ کاری دی کمی دے چیلنجز کوں تسلیم کیتے تے آپریشنز اچ بہتری تے خدمات دی فراہمی سانڳے آٹومیشن جیھے جدید تکنیکی نظام اپناوݨ دی اہمیت تے زور ݙتے ۔وزارت  انسداد غربت و سماجی تحفظ وی اپݨی کارکردگی تے بریفنگ ݙتی، جیڑھا جو مختلف محکمیںاچ تے ھک ہی کم سانڳے مختلف محکمیں تے محیط ہئی ۔ وزیر  خزانہ کمیٹی دی ذیلی کمیٹی کوں ریونیو ڈویژن اتے وزارت انسداد غربت و سماجی تحفظ دے ڈھانچے، فعال تے کارکردگی دا تفصیلی جائزہ گھنݨ دی ہدایت کیتی ۔ اے ذیلی کمیٹی ݙوہیں اداریں نال مشاورت کریسی تاں جو عوامی خدمات دے نتیجے کوں چنڳاں بݨاوݨ دے موقع دی نشاندہی کیتی ونڄ سڳے جیڑھے جو کمیٹی دے دائرہ کار موجب ہووے۔