بجلی دی قیمت اچ تاریخی گھٹکی دا حکومت دا عوام نال کیتا ڳیا وعدہ وفا کرݨ دے پاسے ھک اہم اقدام اے ، وفاقی وزیر  اویس  لغاری

اسلام آباد۔3اپریل(اے پی پی) وفاقی وزیر پاور ڈویژن سردار اویس احمد خان لغاری آکھئے اڄ بجلی دی قیمت اچ 7.41 روپے گھریلو اتے 7.69 روپے صنعتی فی یونٹ دی تاریخی کمی حکومت دا عوام نال کیتا ڳیا وعدہ وفا کرݨ دے پاسے ھک اہم اقدام اے ۔ وفاقی وزیر پاور ڈویژن بجلی دے ٹیرف اچ گھٹکی تے جاری بیان اچ آکھئے پاور ڈویژن ہݨ مزید پہلوواں تے کم کرتے بجلی دی قیمت مزید گھٹاوݨ تے استحکام تے کم کریندا پئے ، عوام کوں بجلی دے شعبے اچ ہݨ بہتری ہی نظر آسی۔ وفاقی وزیر آکھئے بجلی دے تقسیم کار سسٹم اچ مزید بہتری گھن آتے بجلی دیاں قیمتاں گھٹاوݨ سانڳے ݙینھ رات کم کریندے پیوں ایں ویلھے ملک دے ݙو کروڑ صارفین کوں بجلی دی پیداواری قیمت دا وی70فیصد ڈسکائونٹ ملدا پئے انہاں ݙو کروڑ صارفین کوں 11.50 روپے توں وی گھٹ یونٹ بجلی ملݨ لڳی اے ۔اویس لغاری مزید آکھیے انشاء اللہ وختی ساݙے انہاں اقدامات پاروں صنعتاں دا پھیتا پوری طاقت نال چلݨ شروع تھیسی۔