وفاقی وزیر ہاؤسنگ اینڈ ورکس میاں ریاض حسین پیرزادہ  دا شہید ملت سیکرٹریٹ دا دورہ

اسلام آباد۔5اپریل  (اے پی پی) وفاقی وزیر ہاؤسنگ اینڈ ورکس میاں ریاض حسین پیرزادہ بلیو ایریا اچ شہید ملت سیکرٹریٹ دا دورہ کیتے۔اپݨے دورے اچ انہاں کثیر المنزلہ سرکاری عمارت دے عمودی ٹرانسپورٹ سسٹم دا معائنہ کیتے تے ناقص لفٹاں دے مسئلے کوں حل کرݨ سانڳے ھک خصوصی اجلاس دی صدارت کیتی۔اجلاس پاکستان ہاؤسنگ اتھارٹی فاؤنڈیشن دے کمیٹی روم اچ تھئے ۔وزارت ہاؤسنگ اینڈ ورکس دے سینئر افسراں تے آئی سی ٹی انتظامیہ، پاک پی ڈبلیو ڈی تے کیپیٹل ڈویلپمنٹ اتھارٹی (سی ڈی اے) دے نمائندیں اجلاس اچ شرکت کیتی ۔وزارت ہاؤسنگ اینڈ ورکس کنے 1986 توں شہید ملت سیکرٹریٹ دی عمارت اے۔ ایں دا عمودی ٹرانسپورٹ سسٹم ھک کارگو اتے پنج مسافر لفٹاں تے مشتمل اے۔اجلاس ایں تے ڳالھ مہاڑ کیتی ڳئی جو لفٹاں دا مسئلہ بنیادی طور تے مطلوبہ فنڈز دے جاری تھیوݨ اچ دیر تے کمی پاروں حل طلب رہیے جنہاں دی ݙیکھ بھال دی ذمہ داری پاک پی ڈبلیو ڈی 31 اکتوبر 2024 کوں سی ڈی اے کوں ݙتی ۔ اجلاس اچ ایں ڳالھ تے اتفاق تھئے جو سی ڈی اے اتھارٹی کوں ختم کرݨ تے ٹھیکیداراں نال معاہدیں تے ضروری نظرثانی دے وختی نظرثانی سانڳے اڳوں ودھسی چیئرمین سی ڈی اے زوم لنک دے ذریعے  اجلاس اچ شرکت کیتی تے یقین ݙیوائے او آندے ݙو ہفتے اچ ہنگامی بنیاداں تے ݙوہیں لفٹاں دی مرمت اتے آپریشنل کر تے مثبت انداز اچ کم کریسن ۔وفاقی وزیر لفٹاں دی مرمت اچ تاخیر اتے روزانہ دی بنیاد تے ہزاراں ملازمین اتے زائرین کوں پیش آندی اوکھ تے تشویش کیتی ۔ انہاں متعلقہ حکام دی غفلت تے سرزنش کیتی تے سارے اسٹیک ہولڈرز تے زور ݙتے ایں مسئلے کوں حل کرن۔