وزیرِ اعظم  محمد شہباز شریف دی آذربائیجان کوں  سرمایہ کاری دے وسیع موقع توں فیدہ چاوݨ دی دعوت

اسلام آباد۔8اپریل(اے پی پی) وزیرِاعظم محمد شہباز شریف آذربائیجان کوں پاکستان اچ تیل دی دریافت، معدنیات و کان کنی، قابل تجدید توانائی اتے علاقائی رابطے سانڳے انفراسٹرکچر اچ موجود سرمایہ کاری دے وسیع موقع توں فیدہ چاوݨ دی دعوت ݙتی اے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال آذربائیجان دے وزیرِ معیشت میکائیل جباروف وفد دے رلے ملاقات کیتی تے پاکستان آذربائیجان تعاون دے مزید ودھارے تے اتفاق، مختلف شعبیں اچ سرمایہ کاری اچ ودھارے تے ڳالھ مہاڑ کیتی ،وزیرِ اعظم آذربائیجان دے وفد کوں آذربائیجان دے صدر الہام علیوف سانڳے خیر سگالی دا پیغام ݙتے۔ملاقات اچ معدنیات و کان کنی، تیل دی دریافت، قابل تجدید توانائی، انفارمیشن ٹیکنالوجی، علاقائی رابطے سانڳے انفراسٹرکچر دی تعمیر، دفاع، ہاسپیٹیلٹی و سیاحت اتے افرادی قوت دی ترقی دے شعبیں اچ تعاون دے مزید ودھارے تے اتفاق کیتا ڳئے ۔ وزیراعظم شہباز شریف اپݨے اڄوکے دورہ آذربائیجان دا ذکر کریندے آکھیے پاکستان اتے آذربائیجان وچال پراݨے برادرانہ تعلقات ہن جیڑھے جو سانجھے عقیدے، ثقافت، سانجھے احترام تے بھرپی تے قائم ہن ۔ آپݨے دورہ آذربائیجان وچال ݙوہیں ملکاں دے ݙو پاسے تعاون دی مفاہمتی یادداشتاں اتے معاہدیں تے عمل درآمد دا جائزہ پیش کریندے وزیرِ اعظم آذربائیجان کوں پاکستان اچ تیل دی دریافت، معدنیات و کان کنی، قابل تجدید توانائی اتے علاقائی رابطے سانڳے انفراسٹرکچر اچ موجود سرمایہ کاری دے وسیع موقع توں فیدہ چاوݨ دی دعوت ݙتی ۔ وزیرِ اعظم اسلام آباد تے باکو کوں جاڑے شہر قرار ݙیوݨ دے بعد اسلام آباد اچ بہترین تزئین و آرائش دے اقدامات تے آذربائیجان دی ٹیم دی تعریف وی کیتی۔وزیرِ اعظم آذربائیجان دے صدر دے متوقع دورے دا ذکر کریندے آکھیے پاکستان اتے آذربائیجان وچال تجارت دے حجم کوں 2 ارب ڈالرتے پڄاوݨ سانڳے ݙوہیں ملکاں وچال اعلی سطح تے گہری دلچسپی اتے اقدامات خوش آئند ہن۔ آذربائیجان دے وزیر پاکستان دی طرفوں انہاں دے وفد دی شاندار مہمان نوازی تے شکریہ ادا کریندے پاکستان نال مختلف شعبیں چ تعاون اتے تجارت دے ودھارے اچ آذربائیجان دی گہری دلچسپی دا اظہار کیتے تے قابل تجدید توانائی، وائٹ آئل پائپ لائن، سوکار دی پاکستان اچ سرمایہ کاری، آذربائیجان دی پاکستان دے انفراسٹرکچر اچ سرمایہ کاری دے حوالے نال پیشرفت تے اطمینان کیتے ۔ملاقات اچ وفد دی پاکستان اچ ملاقاتاں،   مختلف شعبیں اچ تعاون، تجارت دے ودھارے بین الاقوامی شمال-جنوب مواصلاتی کاریڈور، وائٹ آئل پائپ لائن، گورننس دی بہتری سانڳے آسان سہولت مراکز دے پاکستان اچ قیام تے آذربائیجان دی پاکستان اچ علاقائی رابطے سانڳے موٹرویز اچ سرمایہ کاری تے پیشرفت دا وی ݙسائے ۔ ملاقات اچ   آذربائیجان دے پاکستان اچ سفیر خضر فرہادوف، نائب وزیرِ معیشت صمد بشیری، نائب وزیرِ توانائی کمال عباسوف اتے اعلی سطح آذری حکام نال وزیرِ خارجہ / نائب وزیرِاعظم اسحاق ڈار، وفاقی وزراء احد خان چیمہ، محمد اورنگزیب، عطاء اللہ تارڑ، شزہ فاطمہ خواجہ علی پرویز ملک، مشیر وزیرِ اعظم سید توقیر شاہ، معاون خصوصی طارق فاطمی، گورنر اسٹیٹ بینک جمیل احمد، نیشنل کوآرڈینیٹر خصوصی سرمایہ کاری سہولت کونسل لیفیٹیننٹ جنرل سرفراز احمد اتے متعلقہ اعلی حکام موجود ہن۔