اسلام آباد۔15 مئی (اے پی پی) وزیر داخلہ محسن نقوی ہنگو اچ طورہ وڑی چیک پوسٹ تے خوارجی دہشت گرداں دا حملہ ناکام ٻݨاوݨ تے ایف سی دے جواناں کوں خراج تحسین پیش کیتے۔ آپݨے بیان اچ وزیر داخلہ ایف سی دے جواناں دی بہادری اتے پیشہ ورانہ صلاحیتاں دی تعریف کیتی۔ انہاں آکھیا جو ایف سی دے بہادر سپوتاں ویلھے تے کاروائی کرتے خوارجیاں دا حملہ پسپا کیتا۔ خوارجی دہشت گرداں دے ناپاک عزائم ناکام ٻݨاوݨ آلے ایف سی جوان قوم دے ہیرو ہن۔ محسن نقوی آکھیا جو فرنٹیئر کانسٹیبلری دے جواناں دی جرات تے فخر اے، ایف سی دے جوان شاباش دے مستحق ہن، پوری ٹیم کوں مبارخ ݙینداں۔
