نائب وزیر اعظم اسحاق ڈار دی زیر صدارت اقتصادی رابطہ کمیٹی (ایکنک) دا اہم اجلاس

کوئٹہ۔ 15 مئی (اے پی پی)نائب وزیر اعظم اسحاق ڈار دی زیر صدارت اقتصادی رابطہ کمیٹی (ایکنک) دا ہک اہم اجلاس تھیا جیندے اچ بلوچستان توں ایکنک دے ممبر، بلوچستان دے سینئر صوبائی وزیر، پیپلز پارٹی دی سینٹرل کمیٹی دے رکن تے پارلیمانی لیڈر تے صوبائی وزیر آبپاشی میر محمد صادق عمرانی ویڈیو لنک تے شریک تھئے۔ اجلاس اچ کوئٹہ شہر کوں پاݨی دی فراہمی کیتے زیر تعمیر مانگی ڈیم تے کم دی رفتار، فزیکل پروگریس اتے مالیاتی پیش رفت دا جائزہ گھِدا ڳیا۔ ممبر ایکنک اتے صوبائی وزیر آبپاشی میر محمد صادق عمرانی آکھیا جو کوئٹہ اچ پاݨی دی گھٹکی تے قابو پاوݨ تے روزانہ پاݨی دی ضرورتاں کیتے مانگی ڈیم دی تعمیر تیکھے مکمل تھیوݨی چاہیدی اے جیندے کیتے وفاق اتے صوبے ادھو ادھ پیسے ݙیوݨے ہن۔ مانگی ڈیم دی فزیکل پروگریس 80 فیصد اے جݙاں جو مالیاتی پیش رفت 79 فیصد تائیں پُڄ ڳئی اے۔ مانگی ڈیم اچ پاݨی ذخیرہ کرݨ دی گنجائش 29,530 ایکڑ فٹ اے جتھوں کوئٹہ شہر کوں روزانہ 8.1 ملین گیلن پاݨی ݙتا ویسی۔