خیبرپختونخواحکومت72 گھنٹے دے اندر تحریری معاہدے تے دستخط تے عملدرآمد دا منصوبہ جمع کراوݨ تے اتفاق کیتا ہئی، وفاقی وزیرِ داخلہ محسن نقوی

اسلام آباد۔4 اکتوبر(اے پی پی) وفاقی وزیرِ داخلہ محسن نقوی آکھیے جو خیبرپختونخوا حکومت 72 گھنٹے دے اندر تحریری معاہدے تے دستخط تے عملدرآمد دا منصوبہ جمع کراوݨ تے اتفاق کیتا ہئی۔ سماجی رابطے دی ویب سائٹ ایکس تے اپݨے بیان اچ وفاقی وزیرِ داخلہ آکھیا جو معاہدے اچ پولیس ایکٹ 2026 تے سکیورٹی صورتحال تے سکیورٹی معاملیں کوں سیاسی مداخلت توں محفوظ رکھݨ دی لوڑھ دے تناظر اچ نظرِثانی، صوبے اچ دہشت گرداں دی آزادانہ سرگرمیاں تے محفوظ پناہ گاہواں دا سدِ باب، ٹی ٹی پی، ٹی ٹی اے تے ٻئے سارے دہشت گرد گروپاں دی غیرمبہم مذمت تے افغان مہاجرین متعلق قومی پالیسی، بشمول واپسی تے خیبرپختونخوا اچ افغان کیمپاں دے خاتمے دی حمایت شامل ہئی۔وفاقی وزیرآکھیا جو معاہدے اچ عبوری افغان حکومت نال کہیں قسم دے رابطے نہ رکھݨ، انسدادِ دہشت گردی کارروائیاں تے پولیس کیتے خاطر خواہ فنڈز مختص کرݨ، انسدادِ دہشت گردی اقدامات دی مکمل صوبائی ذمہ داری قبول کرݨ تے مسلح افواج دے نال تعاون مزید تکڑا بݨاوݨ، سابق فاٹا تے ضم تھئے اضلاع اچ انسدادِ دہشت گردی متعلق فیصلے کرݨ تے نیشنل ایکشن پلان تے عملدرآمد دا یقین ݙیواوݨ وی شامل ہئی تاں جو گزریل رات مذاکرات دے چھیکڑی مرحلے دے دوران خیبرپختونخوا حکومت انہاں وعدیں توں پچھوں ہٹ ڳئی۔ انہاں آکھیا جو صوبہ جنگ دی صورتحال نال ݙوچار اے ایں کیتے سکیورٹی کوں سیاسی رنگ نی ݙیوݨا چاہیدا۔